s’en partist, oï certaines noveles de la mort la roine Ermantruz[1] sa fame qui estoit trespassée à Renebourc.
Li rois Kalles, qui en Lombardie estoit, manda les barons d’Ythalie que il venissent à lui ; aucun i vindrent, et aucun non. A Rome s’en ala par le commandement l’apostoile Jehan, qui mandé l’avoit ; moult le reçut honorablement quant il fu la venuz en la XVI kalende de jenvier[2], de l’Incarnation DCCC LXX VI. [3]Moult biaus presenz et riches offri à l’autel Saint Pere, et li apostoiles Jehans li posa seur le chief la corone emperial, et fu apelez augustes[4] et empereres des Romains. De Rome se parti[5] et s’en ala à Pavie ; là tint parlement et ordena de ses besognes. Boson, le frere Richeut sa fame, l’empererriz, fist duc et garde de la terre[6] et li lessa tiex genz com il li requist et tel compagnie. Lors s’en parti li empereres, les monz passa et s’en vint à Saint Morise de Chablies. Si se hasta moult de jorneer[7] pour faire la feste de la Resurrection en l’eglise de Saint Denys en France. Et l’empererriz Richeut, qui en la cité de Senliz[8] demo-
- ↑ La reine Emma serait morte à Ratisbonne le 31 janvier 876 et y aurait été enterrée dans l’église de Saint-Emmeran (cf. Annales de Saint-Bertin, année 875, et Annales Fuldenses, année 876).
- ↑ Le 17 décembre 875.
- ↑ Annales de Saint-Bertin, année 876.
- ↑ C’est le jour de Noël 875 que Charles le Chauve fut couronné empereur (Annales de Saint-Bertin, année 876).
- ↑ Il aurait quitté Rome aux nones de janvier, soit le 5 janvier 876 (Annales de Saint-Bertin).
- ↑ Latin « ipsius terræ », c’est-à-dire de la terre de Pavie ; il fut donc créé duc de Pavie.
- ↑ Jorneer, voyager à longues journées.
- ↑ Latin « apud Sylvacum », à Servais.
