il commanda que il fust portez par sages homes et honestes par toutes les citez et les abbaïes de son empire, et que il les feissent escrire en toz ces lieus. De ce, orent les eglises et les abbaïes grant joie, et li très debonaires empereres en aquist loenge en Nostre Segneur et memoire perpetuel. Après establi que uns abbés, qui Benooiz[1] avoit non, preuzdons et religieus, et autre moine honeste et de haute vie en toutes choses alassent et venissent par les abbaïes de moines et de nonais et les enformassent, ceus et celes qui mestier en auroient, à vivre selonc la rieule saint Benooit.
Après regarda li empereres que ce estoit laide chose que li serjant Dieu fussent subgiet à nul humain servitute, et regarda que tel segneur sont aucunes foiz de si grant rapine que il font moult de gries aux abbaïes où il ont de leur homes. Pour ce establi que quicinque persone de serve condition, qui seroit digne en mors et en science d’estre apelée en religion et aus sains ordres dou sacrefice de l’autel, fussent franchi de leur propres segneurs, quelque li segneur fussent, ou clerc ou lai, et vout et ordena que chascune persone et serjant et chamberieres, es abbaïes de nonains, eussent leur droite livroison, si que chascuns seust que il devroit avoir ; si que par outrage et par mauvès governement, les abbaïes ne fussent grevées ne apovroiées et que li servises Nostre Segneur n’en fust mis en negligence.
En toutes choses preechoit humilité li sains empe-
- ↑ Saint Benoît d’Aniane.
ghoff, Monumenta Germaniae historica, Legum sectio III, Concilia, t. II, p. 307 et p. 464. Cf. Hefelé, Hist. des conciles, trad. Goschler et Delarc, t. V, p. 201 à 223.
