PHILIPPE II AUGUSTE
Ce sont li chapitre dou premier livre des gestes au bon roi Phelippe.
Li premiers parole coment il fu nez et de l’avision son pere.
Li II, coment ses coronemenz tarja pour sa maladie.
Li III, coment Phelippe Dieudonné fu coroné.
Li IIII, coment il defendi sainte Eglise de ses anemis et coment il donta les barons qui contre lui se reveloient.
Li V, coment il fu derechief [coroné] à Saint Denise et dou trespassement son pere.
Li VI, coment il chaça les Juis de France, pour le despit que il fesoient à sainte Eglise.
Li VII, coment il cuiderent demorer par la proiere des barons.
Li VIII, coment li rois fist netier leur synagogues sacrer et dedier au servise Nostre Seigneur.
Li IX, coment il achata le marchié de Champiaus, et coment il fist clorre le bos de Vicenes, et de VIIm coteriaus qui furent occis en Berri.
Li X, coment li cuens de Thoulouse et li rois d’Arragon furent acordé par miracle.
Li XI, de la guerre et de la pais dou roi et dou conte Philippe de Flandres et d’un miracle que Dieus fist pour le roi.
