qui ja avoit près de LXX anz d’aage[1] et savoit bien que li tens de sa vie ne pooit pas moult longuement durer, car il sentoit son cors agregié d’une maladie que phisicien apelent paralesie, assembla grant concile à Paris, de touz les arcevesques, evesques et abbez de tout son roiaume[2]. Quant tuit furent assemblé, il se leva et entra touz seus en une chapele pour ourer ; car il avoit de costume que devant touz ses faiz, fesoit oreson à Nostre Seigneur. Quant il ot s’oreson fenie, il fist apeler touz les prelaz et les princes l’un après l’autre ; puis leur descovri son propos et ce que il baoit à fere, que à la feste de l’Assumption Nostre Dame aprochant, voloit coroner Phelippe son fil à Rains, par leur conseil et par leur volenté. Quant li prince et li prelat entendirent la bone volenté dou roi, ils s’escrierent tuit ensemble, d’un cuer et d’une volenté : « Soit fet, soit fet. » Atant feni li conciles ; si retorna chascuns en ses parties.
[3]Quant la feste de l’Assumption aprocha, li rois se traist vers Compiegne et mena Phelippe son fil ovec lui. Là, si come Diex l’avoit ordené, avint la chose autrement que il ne cuida. Car tandis com li rois sejornoit en la vile, li enfes ala chacier en la forest ovec les
- ↑ Louis VII, né en 1120, n’avait donc pas encore soixante ans.
- ↑ Le royal ms. 16 G VI, fol. 328 vo ajoute en marge : « ou palais de Morise, evesque de Paris », traduisant ainsi la phrase de Rigord : « in palatium venerabilis patris nostri Mauricii Parisiensis episcopi ». (Voir sur ce palais, que Maurice de Sully dut commencer à reconstruire peu après 1160, V. Mortet, Maurice de Sully, évêque de Paris, dans Mém. Soc. hist. de Paris, t. XVI, p. 234-237.)
- ↑ Rigord, Gesta Philippi Augusti, § 3.
