rusalem, car li Turc s’emurent a trop grant gent et pridrent par force une noble cité qui a non Roches[1], qui estoit en la main des chrestiens. Mais totevoies ne fu ce pas sanz grant perte et sanz grant occision de lor gent. Et por la prise de cele cité s’enorguelirent à merveles et menacierent à occirre toz les chrestiens de cele contrée[2]. La novele de cete dolor vint en France juques au roi Loois ; et por l’amor dou Saint Esperit dont il estoit espirez, ot moult grant dolor de cete mesaventure, si com il mostra puis. Car por cete raisom asembla-il, en cel an maimes[3], granz parlemenz ou chastel de Vezelai[4] et là fit venir les arcevesques et les evesques et les abbez et grant partie des barons de son regne. Là fu sains Bernarz, abbés de Clerevaus, et preecha-il, et li evesques, de la croiserie de la sainte terre de promission, où Jhesu Criz conversa corporement tant com il fu en ce monde et i reçut mort ou gibet de la croiz por la redemption de son pople[5]. Lors se croisa li rois Loois toz premiers, et après li la roine Alienors sa fame. Et quant ce virent
- ↑ Latin : « Edessam urbem », c’est donc la ville d’Édesse qui fut prise par les Turcs au mois de décembre 1144.
- ↑ Le royal ms. 16 G VI ajoute en note : « Les nouvelles de ceste desconfiture furent denonciées jusques en France, dont grant douleur raempli les cuers de touz les crestiens françois, puis vint », et le texte est ainsi modifié : « La nouvele de ceste dolour vint en France jusques à Orliens, au roi Looys. »
- ↑ Le texte latin fait connaître la date de cette assemblée ; « in paschali sollempnitate ». Louis VII prit, en effet, la croix à Vézelay le jour de Pâques 1148, soit le 31 mars.
- ↑ Vézelay, Yonne, arr. d’Avallon, ch.-l. de cant.
- ↑ Le royal ms. 16 G VI, fol. 312, ajoute en note : « Et pour ce que la predicacion de saint Bernart estoit enluminée du saint Esperit, ne prescha non pas en vain, car… »
