fu-ce merveile comment Nostre Sires ce souffri que li François, qui sont les genz ou monde qui mieuz le croient et plus l’onourent, furent ensi destruit par les enemis de la foi.
[2]A cele deconfiture, n’avoit nus esté[3] de cex de l’avangarde, ançois avoient tendu lor pavelons et se reposoient. Voirs est que quant il virent tant demorer après aus l’arieregarde, grant soupeçon orent et grant paor, que il n’ausent aucun encombrier. Li rois Loois avoit esté à cele batale ; mais quant ses genz commencierent trop à apetisier entor li et que li Tur les menoient à lor volenté, ne sai quanz chevaliers de France i ot qui pridrent le roi par le fraim et le sachierent hors de la presse ; sor le somet dou haut tertre qui estoit très delez l’emmenerent. Là se tindrent à moult poi de compagnie juque il fu anuitié. Mais quant la nuiz fu noire et oscure, il didrent que là ne demorroient-il pas juque il ajornat, ençois covenoit que il s’en alassent et tenissent aucune voie où que ele les menat[4].
Merveles estoit li rois à grant mechief et en perilex
