uns son pere, li autres son fil, son frere, son cousim ou son oncle ; chacun ce que il avoit perdu. Aucun en recovrerent de cex qui eschapé s’en estoient et avoient quises repoutailes[1] teles com il porent en buissons ou en caves[2]. De cex i ot moult petit envers le nombre des perduz. Cete chose avint l’an de l’Incarnation Jhesu Crit M C XLVI, ou mois de janvier[3].
De ce jor en avant, commencierent totes manieres de viandes à falir en cel ost, si que ne home ne cheval ne savoient de quoi soutenir. Nule maniere de marcheandise ne venoit en lor ost, car il ne trovoient nule genz. Li graindres periuz estoit encores de ce que nus qui là fut n’avoit ainques mais esté en la terre ; ne il ne savoient où torner. Une houre aloient à destre, autre houre à senestre comme gent egarée. Au darrenier, si com il plot Nostre Segnor, il passerent tant hautes montaignes et parfondes valées que par granz travaus vindrent à la cité de Satelie. Onques de Turs n’orent asaut ne encombrier, dont il se mervelierent trop.
Sathelie[4] est une citez de Grifons qui est l’emperaor de Constantinoble et siet ou rivage de la mer. Moult a bone terre et plantaive entor lui, qui coitiver la porroit. Mais à cex dou païs ne fait-ele nul bien, car li
- ↑ Repoutailes, cachettes.
- ↑ En caves, dans des creux, leçon latine de Guillaume de Tyr : « cavernis ».
- ↑ L’erreur déjà commise à la fin du chapitre VI (p. 25, note 2) continue. Janvier 1146 (v. st.) donnerait janvier 1147 (n. st.) ; mais de même qu’il fallut lire plus haut novembre 1147 au lieu de 1146, de même il faut lire ici : janvier 1147 au lieu de 1146, ce qui donne 1148 (n. st.).
- ↑ Sathelie, auj. Satalieh ou Adalie, Turquie d’Asie (Anatolie), ch.-l. de sandjak, sur un golfe de la Méditerranée.
