ainzné, le conte Guillaume de Poitiers[1]. De toz les barons de France qui ovoc le roi estoient venu, n’an i out ainques nul à cui li princes ne faist grant honor et donat de granz dons, à chacun selonc ce que il estoit. Par les ostex les aloit voir, de parole s’acointoit à chascum moult debonerement. Tant se fioit en l’aide le roi que il li estoit ja avis que les citez de Halape[2], Cesaire[3] et les autres fortereces aus Turs qui près de lui estoient, venissent legierement en sa main. Sanz faile, ce peust bien estre avenu que il pensoit, se li rois aust volenté de ce emprandre, car li Tur avoient trop grant paor de sa venue, si que il ne pensoient mie à contretenir lor fortereces contre lui, ainçois avoient certaim proposement de tout laissier et fouir, se il s’adreçat cele part. Li princes qui la volenté le roi en avoit essaié plusors foiz et privehement n’i trovoit mie ce que il vousit. Un jor vint à lui devant ses barons et li fist ses requestes au mieuz que il sout. Maintes raisons li monstra que se il voloit à ce entendre, moult i feroit grant prou à s’ame et conquerroit le los dou siegle ; la chrestientez i croitroit de trop grant chose. Li rois se conseila, puis li respondi que il s’estoit vouez au Sepucre et nomement por là aler s’etoit-il croisiez ; puis que il estoit meuz de som païs en avoit auz[4] mainz
- ↑ Raymond, prince d’Antioche, était en effet fils puîné de Guillaume VII, comte de Poitiers.
- ↑ Halape, auj. Alep, ville de Syrie.
- ↑ Cesaire, Césarée, au delà d’Antioche, sur l’Oronte, autrefois Cæsarea Magna. Cette ville fut détruite en 1170 par un tremblement de terre (Guillaume de Tyr, éd. P. Paris, liv. XX, chap. XVII).
- ↑ Auz, eu.
