ocistrent les Sarrazins touz les malades qu’il trouverent, et pluseurs en desmenbrerent a grant haschie et a grant douleur.
Quant Sarrazins orent pris le roy de France et toute sa gent, si leur firent mout de despis et leur crachierent es visages, et pissierent seur euls et seur le singne de la croiz, et defoulerent aus piez. Et quant il les orent bien batuz et laidiz, il les envoierent en diverses prisons. Le roy estoit si malade que sa gent avoient petite esperance de sa vie. Si li donna Dieus si grant grâce que le Soudan fist prendre garde de lui par ses mires et li fist aministrer quanqu’il voloit, tout à sa volenté. Tant ala le temps avant, que le roy torna à guerison et qu’il respassa de sa maladie, et si tost comme il fu gueriz, le Soudan le fist requerre de pais et de trives aussi comme par menaces, et requist que Damiete li fust rendue avoec toute la garnison que sa gent i avoient trouvé, et que touz les cous et les domages et les despens qu’il avoit faiz dès le jour que Damiete fu prise, li fussent renduz et restabliz. Adont parlerent ensamble de faire pais et de raençon en la maniere qui s’ensuit.
Ce est asavoir que le roy seroit delivré et touz ceus
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 378-381 ; Chronique latine, t. I, p. 207 ; Vincent de Beauvais, Speculum historiale, liv. XXXI, chap. ci. Cf. Joinville, chap. lxvii à lxxvi, et Mathieu de Paris, t. V, p. 160-164.
