deric, qui Henri[1] avoit à non, fu forment corroucié de ce que son pere estoit desposé de l’empire ; si assambla grant ost de Guibelins pour destruire et empirier le siege de Romme. Si comme il fu acheminé pour aler vers Romme, une fievre continue le prist, dont il morut. Quant il fu mort, sa gent n’orent point de seigneur ; si s’en retorna chascuns en sa contrée. Li emperere fu mout affebloié de la mort Henri son filz ; si s’en ala en Puille à Mainfroi[2] son fiuz de bast et commença à traire les barons à soi ; si leur monstra singne d’amour et leur requist qu’il feissent de Mainfroi leur sire, et leur monstra mout d’essemples qui estoient à la confusion de l’eglise de Romme. Si comme il machinoit contre le pape Innocent, une rieume li descendi en la gorge qui li estoupa les conduiz, si qu’il ne pot avoir s’alaine, si en morut[3].
Quant le pape Innocent sot certainement que l’empereour estoit mort, si se parti de Lyons[4] et vint à Romme, et puis d’iluec à une cité que l’en apelle Avengne[5], et iluec sejorna une piece, quar il n’osa aler
- ↑ Henri, qui avait été élu roi des Romains en 1220, mourut le 12 février 1242 (Huillard-Bréholles, Historia diplomatica Frederici secundi. Introduction, p. clxxix).
- ↑ Manfred, fils de Frédéric II et de Bianca Lancia, était né en 1232 ; son père lui donna la principauté de Tarente (Huillard-Bréholles, op. cit., p. ccviii).
- ↑ Frédéric II mourut le 13 décembre 1250 (Lenain de Tillemont, t. III, chap. ccxlii ; Huillard-Bréholles, op. cit., p. cci).
- ↑ Innocent IV, qui était encore à Lyon le 11 avril 1251, se trouvait à Vintimille le 7 mai suivant. Après avoir séjourné à Pérouse, à Assise et au Latran de 1251 à 1254, on le trouve à Anagni du 2 juin au 11 octobre 1254 (Élie Berger, Registres d’Innocent IV, t. IV, p. 562-570).
- ↑ Avengne, Anagni.
