ment, qu’elle fist voie et passa tout outre le sablon et la terre qui estoit iluec endurcie. Les mariniers alumerent torches et lumiere et cerchierent la sentine de la nef, mès il n’i trouverent nulle casseure, dont il furent mout liez et asseur, et raporterent au roy que la nef estoit toute seure et saine sanz nulle casseure. Quant le roy les entendi, si rendi graces à Nostre Seigneur de ce qu’il l’avoit osté de si grant peril. Toute nuit sejornerent les mariniers jusques à l’endemain que il porent clerement veoir entour eus. Adont commanderent que tuit alassent aus avirons, et li autre se tenissent près fu voile pour veoir la contenance du vent et de quel part il venoit. Quant tuit les mariniers furent aprestez, les mestres tornerent les gouvernaus et se mistrent à la voie. Tant alerent de jour et de nuit qu’il arriverent en xi semaines au port d’Areines[1]. Lors issirent des nez et mistrent hors chevaus et armes et leur autre harnois, et puis se mistrent au chemin, et chevaucha tant le roy qu’il vint à Tarascon au disner, et puis passa le Rosne et vint au giste à Biauquaire. D’iluec s’en parti et chevaucha tant qu’il vint en France où il fu receu[2] a grant joie dou pueple de Paris et des genz de la contrée. Quant il se fu reposé, si s’en ala à Saint Denis en France[3] et visita les beneoiz cors sains qui en l’eglise reposent, et rendi graces à Dieu et aus
- ↑ « Ad portum qui dicitur Dahires in terra Provinciae » (G. de Nangis). C’est Hyères (Var, arr. de Toulon), où saint Louis aborda le 10 juillet 1254 (Lenain de Tillemont, t. IV, p. 40 ; cf. Joinville, chap. cxxx).
- ↑ « A grant honneur et » (B. N., ms. fr. 2813, fol. 286).
- ↑ Saint Louis, qui fut le samedi 5 septembre à Vincennes, alla le lendemain à Saint-Denis et fit son entrée à Paris le 7 (Lenain de Tillemont, t. IV, p. 44).
