à nostre requeste, par preudeshommes d’une part et d’autre à ce esleuz, se la terre que li contes de Poitiers tient en Caorsin de par sa femme, fu du roy d’Angleterre donnée ou bailliée avec la terre de Agenois par mariage ou par gagiere, ou toute ou partie à sa suer[1] qui fu mere le conte Raymon de Thoulouse derrenierement mort. Et s’il estoit trouvé qu’il eust ainsi esté, et celle terre si eschaioit ou à ses hoirs du decez la contesse de Poitiers, il la donroit à nous ou à noz hoirs. Et se elle eschaioit à autre, et il ert trouvé par celle enqueste toutesvoies que elle eust ainsi esté donnée ou bailliée, si comme il est dit dessus, après le decez de la contesse de Poitiers, il donroit le fié à nous et à noz hoirs, sauf l’ommage de ses freres, se il aucune chose y tenoient tant comme il vivroient.
Derechief, après le decès le conte de Poitiers, li roys de France ou ses hoirs roys de France, donra à nous et à noz hoirs la terre que li contes de Poitiers tient ores en Xantonge, oultre la riviere de Charente, en fiex et en demaines qui soient oultre la Charente, s’elle li eschaioit ou à ses hoirs. Et se elle ne li eschaoit, il pourchaceroit en bonne maniere par eschange ou autrement, que nous ou noz hoirs l’aions, ou il nous feroit avenable eschange à l’esgart des preudeshommes qui seront nommez d’une part et d’autre. Et de ce que il donra à nous et à noz hoirs en fiex et en demaines, nous et nos hoirs li ferons hommage lige et à ses hoirs roys de France, et aussi de Bordiaux, de Baionne et de Gascoingne, et de toute la terre que nous tenons delà
- ↑ Jeanne d’Angleterre, sœur du roi Richard, mère de Raymond VII, comte de Toulouse, mort le 27 septembre 1249.
