carnacion IXc et XXVI anz. Lors en ce temps avint que Hue dit Chapet, conte de Paris, envaï et prist le royaume de France à soy, et ainsi fu transportée la seigneurie du roiaume de France et de la ligniée Charlemaine le grant à la ligniée des contes de Paris qui estoient descenduz de la ligniée des Sesnes ; c’est-à-dire de ceulz de Saissoigne.
L’en treuve escript en la vie et es gestes saint Richier et saint Waleri de Pontiu[1], que leurs coprs furent transportez de leur eglise à Saint Omer en Flandres, en l’eglise Saint Bertin pour la paor des Danois qui ore sont diz Normens, qui gasterent le royaume de France au temps Charles le Simple, roy de France. Et quant il furent convertiz à la foy, il avint que les mloines de Saint Richier et de saint Waleri les requistrent des moines de Saint Bertin ; mais il les retindrent par la force de Arnoul leur[2] conte de Flandres. Dont il avint que saint Waleri s’apparut à Hue dit le grant, conte de Paris, et li dit en dormant : « Va à Ernoul conte de Flandres, et li dis qu’il envoie noz corps de l’eglise Saint Bertin en noz eglises propres, car nous amons miex estre en noz propres eglises que en estranges. »
Hues demanda à saint Waleri qui li et ses compaignons estoient ? Saint Waleri respondi : « Je sui appellé Waleri et mon compaignon Richier, de Pontiu ; fais isnelement ce que Diex te mande par moy, et ne te tarde mie. »
- ↑ Voir Acta Sanctorum, avril, t. III, p. 458. Cf. Orderic Vital, Historia ecclesiastica, éd. A. Le Prévost, t. I, p. 171.
- ↑ Ms. 16 G VI : « lors ». Latin : « per violentiam Arnulphi comitis Flandriæ » ; c’est Arnoul Ier, dit le Vieux ou le Grand, qui fut comte de Flandre depuis 918 jusqu’à sa mort, survenue le 27 mars 965.
