anciennes escriptures qui parlent des preudes hommes et de leur vie, si comme fu monseigneur saint Looys qui se contint si honnestement en son reanme qui est de terre et de boe, qu’il en conquist le reanme des cieus, que nul prince ne autre ne li puet jamais oster.
[1]Si comme le pere monseigneur saint Looys si volt aler en Aubigois, il laissa son reanme à garder à la royne Blanche sa fame, et ses enfanz, et s’en vint à la cité d’Avignon, et l’assist a grant force de gent. Tant les tint estroitement, et tant fist ruer perrieres et mangonniaus qu’il ne le porent endurer ; si se rendirent et se mistrent du tout à sa volenté. Li rois prist toute la contrée en sa main et mist es bonnes villes et es fortereces, baillis, seneschaus, viguiers, maires, prevoz et sergenz d’armes pour garder sa terre et toute la contrée de par lui en son non, et leur commanda que touz ceus qu’il porroient trouver entenchiez du vice de heresye, et qui feussent de riens contre la foy, que tantost feussent ars et mis en feu et en charbon sanz nul rachatement. Après ce, il establi les evesques et les prelaz et leurs chapelainz en leur eglises que li mescreant avoient chacié. Quant le roy ot la foy cres-
- ↑ Cf. Gesta Ludovici octavi Franciæ regis (Rec. des Hist. des Gaules et de la France, t. XVII, p. 309-310) et Chronique latine de Guillaume de Nangis, t. I, p. 175-176. Ce premier chapitre, que l’on ne trouve pas dans la Vie de saint Louis de Guillaume de Nangis, n’existe également pas dans le royal ms. 16 G VI du Brit. Mus., fol. 388 vo.
