Mains biaus examples & mains dis
Fais de nouvel & de iadis
Biaus est cis liex a deviſer
C’on i puet d’aſſez pres viſer
Granz praieries & vignobles
Bons y eſt li pays & nobles
Li hostiex riches & maſſis
A .ij. liues de Loire aſſis
Qui court entre Biausse & Saloigne
La haute forest de Bouloigne
Où il a mains parfons deſtours
Li avironne tout entours
Si a tant de cers & de pors
Dains & chevriaus, qu’il n’est depors
Ne deduis qui ou pays faille
Ne je ne ſai foreſt qui vaille
Pour chacier tant com cele fait
Car beſtes ſaillent ſi a fait
De touz coſtez. quant on i chace,
Que tant en est plaiſans la chace
Et li deduis biaus à oir
Que chaſcuns ſen puet eſioir
ers & senglers ya sans nõbre
Et qui voudroit trouver bel ombre
En eſte, au douz jolis tans
Voiſt ou parc, tant est delitans
Et plains de si grant melodie
En avril quant li bois verdie
Page:Watriquet de Couvin - Dits.pdf/8
Cette page n’a pas encore été corrigée
