Recueil des lettres missives de Henri IV/1579/20 avril ― À mon cousin monsieur de Dampville

◄

précédente

Henri IV Lettres missives 1579

suivante

►

1579. — 20 avril. – II^me.

Orig. – B. R. Fonds Béthune, Ms. 8848, fol. 75 recto.

À MON COUSIN MONS^R DE DAMPVILLE,

MARESCHAL DE FRANCE.

Mon Cousin, Ayant sceu que le capitaine Bachoey^[1] est en peine pour s’estre battu avec quelque aultre de vostre suite, je vous ay voulu prier par ceste mienne de le vouloir supporter pour l’amour de moy, sans user en son endroict des rigueurs plus estroictes qui peuvent s’employer à l’endroict des personnes qui ne sont de tel service qu’il est. Et oultre l’obligation grande qu’il vous en aura, j’essayeray à recognoistre la faveur qu’il recepvra de vous par toutes les occasions qui s’en pourront offrir. Il est mon subject naturel, et sy l’un de ses freres qui vous rendra ceste-cy est à mon service ; qui s’en va vous trouver sur l’asseurance que je lui ay donnée que ma recommandation ne luy sera pas inutile. Je vous prie donc qu’elle fasse quelque bon effect pour ledict Bachoey, et Nostre Seigneur vous tenir, mon Cousin, en sa saincte garde. De Masiere, ce xx^e apvril 1579.

Vostre bien affectionné cousin et plus parfaict amy.
HENRY.

Je vous prie pour l’amour de moy avoir le capitaine Bachoey pour recommandé^[2].

1. Jacob de Bachoé, seigneur d’Andrein, près Orthès.
2. Ce post-scriptum est de la main du roi.