Orig. autographe. — Biblioth. impér. de Saint-Pétersbourg, Ms. 887, tom. Ier, lettre n° 4. Copie transmise par M. Houat.
Monsr de Bellievre, Je vous envoye mon paquet. Je vous prie commander à vostre homme de le bailler incontinent à mes gens qui sont à Paris. Au reste ceulx de Toulouse, continuant les bonnes façons, ont envoyé quelques compagnies pour se loger auprés du Mas de Verdun, où on les a souffert ; et depuis elles sont allées à Saint Serdos, où elles se remparent et fortifient, qui n’est qu’à demie lieue du Mas. Et parce que ce n’est du commandement de mon cousin monsr le mareschal de Matignon, comme je m’asseure, je ne trouve pas bon que messrs de Toulouse mettent garnisons et fortifient, contre l’edict, en mon gouvernement, comme je leur feray cognoistres s’ils ne les retirent. Ce que j’ay prié mon dict cousin leur faire entendre, comme aussy je vous en prie, et d’aimer tousjours