À une Dame

La bibliothèque libre.
Aller à la navigation Aller à la recherche
À une Dame (1543)
La Fleur de poesie françoyse, Texte établi par Gustave BrunetAlain Lotrian (p. 71).


A UNE DAME.


Au temps heureux que ma jeune ignorance
Receut l’enfant qui des dieux est le maistre,
Vous, congnoissant qu’il ne faisoit que naistre,
Voulustes bien le nourrir d’esperance ;
Mais puis que vous et sa perseverance
L’avez faict grand plus qu’aultre oncq ne peult estre,
En lieu d’espoir vous le laissez repaistre
Seul à part luy de mon mal et souffrance,
Ne pour essay que je face ou effort
Possible m’est l’oster de sa demeure,
Car plus que moy il est devenu fort ;
Maulgré moy donc il fault qu’il y demeure ;
Mais maulgré luy aussi ay ce confort
Qu’il sortira au moins, mais que je meure.