75%.png

Ab joi mou lo vers e.l comens

La bibliothèque libre.
Sauter à la navigation Sauter à la recherche


Ab joi mon lo vers e.l comens,
et ab joi roman e fenis :
e sol que bona fos la fis,
bos tenh qu’er lo comensamens.
per la bona comensansa
mi ve jois et alegransa ;
e per so dei la bona fi grazir,
car totz bos faihz vei lauzar al fenir,

Si m’apodera jois e.n vens :
meravilh’ es com o sofris
car no die e non esbrüis
per cui sui tan gais e jauzens ;
mas greu veiretz fin’  amansa
ses paor e ses doptansa,
c’ades tem om vas so c’ama, failhir.
per qu’eu no.m aus de parlar enardir.
D’una re m’aonda mos sens :
c’anc nulhs om mo joi no.m enquis,

qu’eu volonters no l’en mentis ;
car no.m par bos essenhamens,
ans es foli’  et efansa,
qui d’amor a benanansa
ni.n vol so cor ad autre descobrir.
si no l’en pot o valer o servir.

Non es enois ni falhimens
ni vilania, so mes vis.
mas d’ome, can se fai devis
d’autrui amor ni conoissens.
enoyos ! e que.us enansa,
si.m faitz enoi ni pesansa ?
chascus se vol de so mestier fornir ;
me cofondetz, e vos no.n vei jauzir.

Ben estai a domn’  ardimens
entr’  a vols gens e mals vezis ;
e s’arditz cors no l’afortis,
greu pot essor pros ni valens ;
per qu’eu prec, n’aya membransa
la bel’, en cui ai fiansa,

que nos chamje per paralas ni.s vir,
qu’enemics c’ai, fatz d’enveya morir,

Anc sa bola bocha rizens
non cuidei, baizan me träis,
car ab un doutz baizar m’aucis,
si ab autre no mes guirens ;
c’atretal mes per semblansa
com de Peläus la lansa.
que del seu colp no podi’  om garir,
si autra vetz no s’en fezes ferir.

Bela donma, .l vostre cors gens
e vostre belh olh man conquis,
e.lh duntz esgartz e lo clars vis,
e.lh vostre bels essenhamens,
que, can be m’en pren esmansa,
de beutat no.us trob egansa :


la genser etz c’om pose’  el mon chauzir,
o no i vei clar dels olhs ab que.us remir.

Bels Vezers, senes doptansa
sai que vostre pretz enansa,
que tantz sabetz de plazers far e dir :
de vos amar no.s pot nuls om sofrir.

(Ben dei aver alegransa,
qu’en tal domn’  ai m’espéransa.
que, qn.in ditz mal, no pot plus lag mentir,
e qui.n ditz be, no pot plus bel ver dir.)