◄ Laisse DLXXXIII | Laisse DLXXXIV | Laisse DLXXXV ► |
Rolant et li barons que plus sage furent
Au roi vont cunsiler, que lor a dit coment
Malquidant s’apareille molt esforceement.
« Cunsilés moi, segnor, que molt sui in atent ;
« Nos sumes invers lui de pusance nïent.
« A cist point me devés motrer votre eschïent,
« Le valor, la proesche et l’aut entendiment
« In savoir cunsiler li notre esaucement
« Et de nos anemi mort et mals et torment. »
Li prince esbaï sunt, l’uns l’autre garderent.
Et chant Rolant percuit le loing atardement
Que firent an respondre cil qe luec estoient
Et voit lor sir de ce aïrer durement,
Si comence a parler tot primerainement :
« Segnor, vos que savés cunbien avés de gent
« Devrïez bien conotre par vos esgardement
« Que paor vos en face ester si quoiement.
« Mais, se notre segnor et vos le moi consent,
« Sanson et moi irons por maitin belement
« Et cerqueruns le regne que a mon sir apent,
« S’il seroit obeïs nostre chomandement :
« Au retorner vos croi motrer rasnablement
« S’il poroit Malquidant venir segurement
« Et se nostre sir fait bien o non se il l’atent.