Dictionnaire historique Juigné/6e éd., 1661/Zopyre
Zopyre illustre Seigneur de Perse, fils de Megabyses, l’un de ceux qui arrachèrent le Royaume des Perss de la main & puissance des Mages. Iceluy voyant la ville de Babylone avoir esté assiegée en vain par Darius son Maistre, l’espace de bien vingt mois, & estre du tout imprenable se mutila le nez, les oreilles, & les levres ; ainsi, s’en alla vers les Babyloniens, se plaignant de la cruauté de Darius, par lequel il avoit esté mis en tel estat : Si bien que les assiegez tenans cela pour vray, ioyeux d’autre-part d’avoir rencontré un tel allié, luy proposerent la conduite de leurs forces ; ce qu’ayant accepté & se voyant le Maistre, rendit la ville à Darius, lequel de puis l’eut en tel estime que souuentefois il disoit qu’il aymoit mieux un Zopyre que vingt Babyloniens. Hérodote liv. 3.
¶ Un autre de ce nom, certain Physionome, lequel ayant deviné certaines choses deshonnestes de Socrates, & qu’il l’eut iugé enclin à la desbauche & lasciveté, comme un ckacun se quoit de luy, Socrate les reprist, advouant la verité de sa science, & confessant son inclination telle, si par preceptes de philosophie il n’eust corrigé son naturel.