Fichier:BnF ms. 12473 fol. 177r-178.jpg
Fichier d’origine (6 000 × 4 200 pixels, taille du fichier : 6,4 Mio, type MIME : image/jpeg)
Description
DescriptionBnF ms. 12473 fol. 177r-178.jpg | |||
Date |
XIIIe siècle date QS:P,+1250-00-00T00:00:00Z/7 |
||
Source |
|
||
Auteur | Auteur inconnuUnknown author |
Conditions d’utilisation
Public domainPublic domainfalsefalse |
Cette œuvre est également dans le domaine public dans tous les pays pour lesquels le droit d’auteur a une durée de vie de 100 ans ou moins après la mort de l’auteur. Vous devez aussi inclure un modèle indiquant pourquoi cette œuvre est dans le domaine public aux États-Unis. | |
Ce fichier a été identifié comme étant exempt de restrictions connues liées au droit d’auteur, y compris tous les droits connexes et voisins. |
https://creativecommons.org/publicdomain/mark/1.0/PDMCreative Commons Public Domain Mark 1.0falsefalse
Annotations InfoField | Cette image est annotée : Voir les annotations sur Wikimedia Commons |
Cominal vielh, flac, plaides,
paubre d’aver et escas,
tan faitz malvatz sirventes
que del respondre soi las.
Si’l vostra cavalaria
venra tota a un dia,
can er so denan detras:
l’avols bos e·l bos malvas.
Anc un bo mot no fezes
no·n i agues dos malvas,
per que·us tolrai vostre ses:
mon chan, ab que·us formias.
Car cantas ab vilania,
e·l contessa me·n chastia
que ten Lombers e Burlas,
que ditz que vos rebusas.
Qui·us tolia Vivares,
Largentieira e·l Solas,
on lor, com tamans, orbes,
mesures vos hom lo vas;
que cant Pons Tortz vos paissia
e San Laurens, que·us vestia,
sias mot paubres e ras,
que sie·us es anquar, sie·us plas.
Anc sagramen non tengues
del Tornel, can l’avias,
ni nullz tems ver no disses
si mentir non cudavas;
et anatz queren tot dia
qu’om se fi: e per maistria
tenetz lo taulier e·ls das,
e del joc sabetz assas.
Et aves tans mals apres
aras e d’aissi en tras,
que no sai com vos tolgues
si·l pe no·us toli’o·l nas,
o·ls oills o no·us aussizia.
Si no fos la confrairia
de Chassier e de Carlas
ab los pecols anaras.
Cominal, en rima clausa,
on ja no·m respondres, so cug,
farai sirventes aora
e dirai vostra semblansa,
c’ab armas es soven vencutz;
et hom vielhs, pos definella
ni es de totz pretz abatutz,
be·m meravilh com si fenh drutz.
Be·us n’endrues per la rausa,
mas qui torn’a maizo non fug;
mot lai issis en malora,
c’a pauc Apchiers no·us fo Fransa,
on parlen aisi com porcs rutz.
Premiers comtes la novella:
ses colp encaussatz e vencutz,
e fo ben messatgiers crezutz.
Nulhs ordes ab vos non pausa,
pero si·s defendeson tug,
ja negus dans non lur fora;
que las gleisas en cozansa
raubes, e s’anc monges tondutz
preiet Dieu dins sa capella
que·l demostres de vos vertutz,
aras i es ben avengutz.
Nulhs hom c’ab vos an non ausa
far tornas, mas ades se·n fug
pel mal qu’el pobles vos ora.
E cant prendetz vostra lansa
es tres, vos et ill e·l escutz,
e catre ab un’avol sella,
ab no sai cans arquers menutz
ab rossins magres mal pazutz.
Pus fezes la laida causa
on mant home foron destrug,
anc puois Dieus tart ni ab ora
non cre volgues vostr’onransa,
ans n’es de pretz decazegutz;
qu’a Roma ac carta novella
de mil brullatz, part los pendutz,
e de mais dez monges barbutz.
Pos los paubres de Castella
raubes dels motonetz velutz;
ara·us vau als pecaitz menutz!
Mos Cominals fai ben parer
que, si el pogues dir ni far
cauza que·m degues enuiar,
elh en faria son poder:
mas paubreir’e vilenc l’assalh
e poders e jovens li falh,
per c’als guerriers non fai paor;
e non a amic ni senhor
que no·l tenha per enoios,
mas tan can ditz nostras tensos.
E s’ieu lo voill ben dechazer,
que·l voilla tolre mon chantar,
ja non er qui·lh don a manjar
ni·l voilla albergar un ser:
mas metrai lo chan dins serralh
per qu’el soven trembl’e badalh.
Que la verchiera de s’oisor
vendet, don son gai mant pastor,
car lai vivi’ ab sos lairos
emblan las fedas e·ls motos.
Anc ab armas no saup valer
hom mens, tan se·n volgues lauzar,
ni als guerriers, mas ab parlar,
no saup hom mens de dan tener:
mas soven mou guerr’e assalh
a sels que an croz e sonalh,
don mil monge dins refeitor
preian, ploran, nostre Senhor,
qu’en Pons Tortz e’n San Laurens fos,
si com es, vielhs e sofraitos.
Lialtat sol mot mantener
e falsedat tostems blasmar,
mas al Tornel la·i vim laissar
e del tot metr’en non chaler;
per que ditz lo paire n’Eralh
que home qui nafre e talh
e prenda son lige senhor
ni·l removia castel ni tor
no·l deu mantener nuls homs bos,
per qu’el no·l manten ni·n Randos.
Ja nulh marit non cal temer
de lui ni sa molher gardar,
ans lo pot laissar domneiar
et estar ab leis a lezer;
que cal que·l debois ni l’entalh,
deboissar lo pot d’aital talh:
ses pel, ses carn e ses color
e ses joven e ses vigor;
e d’ome qu’es d’aital faisos
non deu esser maritz gelos.
Vielh Cominal, ma tor
ai cobrad’a honor,
car bon envaidor
non pot hom leu faidir,
c’a vos o auzi dir.
Per que·m mis en la via
e fi·n selui issir
que a tort la tenia;
don sapchan miei amic,
tug, li paubr’e li ric,
qu’ieu guerrai so que dic,
pus sus son don issic.
Qui m’apela traitor
el men per mieg lo mor,
mas car al mieu senhor
podion ren lai dir,
ieu non o volc sufrir,
ni voill que tracher sia;
e saup lo miellz guerrir
qu’el eis no se·n guerria
qu’enaisi se·n issic
c’anc colbe no·i feric;
et ieu fi so que dic:
que·l pris e no·l retic.
Si be·s fan gabador
li fillat e·ill oisor,
Monlaurs fai sobre lor
sos honratz fatz auzir;
e cant l’auzon venir
no·l serron ges la via,
ans lor a fag gequir
l’orguoill e·l gualhardia:
e parec en Nou Vic
on preiron tal destric
que, can l’estors partic,
lairemas pres e·n gic.
Ges no m’en don paor
per lor dig de folor,
si tot catre comtor
mi menasson d’aussir,
car en els pot venir
ans qu’en me la murria;
et ieu, podes lur dir,
prec Dieu a cascun dia
que gotela me fic
el lag mal don muric
us comtors qu’ieu ausic
c’anc preveire non vic.
Éléments décrits dans ce fichier
dépeint
image/jpeg
fa5db46762052a0c44293d0f0c73ff576ff9c3f7
6 713 618 octet
4 200 pixel
6 000 pixel
Historique du fichier
Cliquer sur une date et heure pour voir le fichier tel qu'il était à ce moment-là.
Date et heure | Vignette | Dimensions | Utilisateur | Commentaire | |
---|---|---|---|---|---|
actuel | 4 juin 2014 à 08:15 | 6 000 × 4 200 (6,4 Mio) | Ancalagon | {{Information |Description={{fr|Tensons de Torcafol et Garin d'Apchier dans un chansonnier provençal (Chansonnier K)}} |Source={{ARK-BNF|ark:/12148/b... |
Utilisation du fichier
La page suivante utilise ce fichier :
Usage global du fichier
Les autres wikis suivants utilisent ce fichier :
- Utilisation sur www.wikidata.org