Girart de Roussillon (Manuscrit d’Oxford) - 3
Il en fu encauchaz ꝑ un planſec
Entros quil fu a troies ne ſe retec
E girarz e li ſeu preſtrent leſchec
Tant en det a ſes omes con far ſo dec
Cainc pois om de ſa coite ne li faillec
El reis ſen es annaz a ſaint romec
Aiqui mandet ſos omes a cui plaidec
Fin en cuiderent faire folche e dan bec
De girart e de carle con eſſer dec
Maiſ bos deſcarpion primers lenfrec
Quel fes une meſclaigne mentre li lec
Cauciſt teiri lo duc ꝓ ſon bofec
Ꝑ la mort al baron taus dols en crec
Cainc pois ainſe ne maus ne lor ſofrec
Tros fu de ſeritoz de quoq; tec
Ꝑ co quil a fui e lant uencut
Le conte arbert de troies li unt togut
Mil barons eſtres mors i a perdut
E carles iuret deu e ſa uertut
Se girart podeit prendre ſen eſcubut
Ainz que loins fuſt auiz laureit pendut
Jainz ne ſeront abanz uit ior ueut
Quen ſeront aioſtat cent mil eſcut
Sor orlins la citat el prat erbut
E fu en roſſilon li cons girarz
Li marcheis amadeus ponz e ricarz
[Quant lor uenc uns meſſages deſ] brūs eſſarz
Cil fu bons cheualers proz e gaillarz
E girarz quant lo ueit ne cuit que tarz
Annet o lui parlar e fu ſei carz
Del conſel qui aprent li croiſt regarz
Segnor oiaz leſ noues e ꝑ is moz
Li reis aioſte ſoſt a claradoz
A la citat dorlins eſ praz de ſoz
Lon la riue de leire el bruel dagoz
Pois a iurat li reis la ſainte croz
Sel non gete donor quil nō eſ proz
Vol uenir ſobre nos coars cogoz
Trencera nrˉes uignes eſ arbres toz
Fondre murs e uiuers [ꝑrera pro]z
Eu ia de ſa maiſnade plus gens nooz
Se toz neſ fas reinbre dont ſui en gloz
Vuel que uienge lauers cō aige a doz
Non pres la gerre carle pois une noz
E riu conſel donar ne tardet gaire
Girarz mal fait rius om quaſi ſeſclaire
Carles eſt uoſtre ſ⁎⁎ire rius emꝑaire
Aues cent mil omes de la ſuie aire
Nen a meillors uns dus ius ne pecaire
E quant uos que feunie fera li faire
Quant uos tout roſſillon feſ ke bauzaire
Vos lauez recobrat non gins com laire
Qua uos ſen eſt uengude lonors balaire
Ꝑ tot aico ne uuel ſie eſtraire
Trametes lum meſſage a ſon repaire
A reins u a ſeiſons u ſaint faire
Quel reis uos mant ſon cuer e ſon uiaire
Sel prendera uoſtre dreit ſenz lonc eſtraire
E ſil aiquel ſoane˙ ꝑ ſaint ficaire
Des pois taiuderai eu e mi fraire
Flos ert carles martels noſtre emꝑaire
Sil uos cuide de terre ne donor raire
Li plus lons cheualers uers lui fu breus
Girart (car crei folcon) quil ennies tieus
(Car ſe) carles cai paſſe obes les ſieus
Aermira ta terre eſ autrui fieus
E girarz reſpondet pois non ſaut deus
Quant ia naura li reis cartres ne breus
Ne lai nirat ꝑ mei mes ne corlieus
Tros quen combat o lui e o les ſeus
Quen ert uis recreans li chenelieus
En carront cinc cent mile de lor eſtrieus
Saiſi ne li atent ſui ueir iudieus
Tonet ſent uers girart toz airous
Segner laiſſaz eſtar iſ iuiadors
Qui unt les terres quites e les onors
E tornent (les auers granz) areſcous
Car ſe uos (les creez ire.. eon)tous
Car ſe nos nen (auiens maiſ mei e uou)s
Ab aicheſte compaigne qui ſunt (anou)s
Sin combatrons (a carle) ꝑ plans erbous
Quant ſerie uencuz (reis en)uious
E girarz ſen ſo(ſriſt e gardet) ious
Belz nies co (diſt li cons ml’t eſſes) ꝓus
Bons eſt uoſtres iouens ſel ſanz i fous
Ainc paraulet ml’t bien gent e de paz
Bos bien fole paraule dite nos az
Tu nengentes negun maigre ne graz
Tant es outrecuidaz uiſ ſatanaz
Quei dis aicel(e gent que aici a)z
Que a carlon m(artel te combatra)z
E ſe girarz uos creit donor gert raz
Mais face en tot ico quen auiraz
Trametes lun meſſage plus ke del paz
A rains o a ſeiſons o a beluaz
Girart ſel uol ton dreit tu li feraz
E ſil aichel ſoane ꝑ ſaint tomaz
Des pois mande les omes qauer poraz
Se carles quert bataille quel non tros caz
Sil aerme ta terre tu tot uerraz
Se tu ne li defenz flamme tabraz
Jſ conſel diſ girarz ne tien ꝑ laz
Pos eiſſi dadananz nel tor de traz
Sel reis non uelt mon dreit e dis que non
Trametrai ꝑ mon paire lo duc draugon
Qui tient roſſilloneis e roſſilon
Beſodun e gironde teſ quen auſon
Vergedaigne e cerdaigne e mon cardon
Purgele e ribecorce e barſelon
Pieca quil nen ot guerre ſa paianſ non
Tuit ſunt conquis par force aquil felon
De maiogre e daufriche e leſclauon
Laportent le treu en ſa maiſon
Li cons eſt a beſaude en ſon donion
Fait ſe ſeruir de uin e de pozon
Cil qui gardent ſa terre cent mile ſon
En lui a cheualer ml’tiſme bon
Ainz queu ꝑt de borgoigne dūt eu naz fon
D(ecai m)ant ꝑ mon oncle conte uuidelon
Qui tient tote ꝓuence tro a tolon
Arle e folcaucher e ſeſteron
E breungab e rames e briencon
De lai ſeront cent mile au uiel gigon
E ſe tot ou loez aioſtan lon
Reſpondent ꝑ la cort pluiſor baron
Melz ual aiches conſelz del dan boſon
E trait la une part laz un cancel
Neis oiaz la paraule de queſ apel
Ja nen aurons lo rei uers noſ fiel
Copioſe mei dis folche par ſaint martel
E ꝑ hoc [lai nirei] au rei martel
Preſenterai ton dreit ab iſt anel
E ni porterai letre breu ne ſeel
Serem aloſtaiar cent iouencel
Si auon enemi qui ſi reuel
Qui deſface le plait ne contrapel
Ne nos en touront ſempre lo plan caumel
Garniroín contrel rei aitant caſtel
Lairai eſtar le uielz quer plus nouel
Nes aura conqueſuz la ſaint michel
Des pois li mourom guerre ire e greſel
Dun bien rius om aura traucat capel
Cuit bien bons ceualers ſe de ſenſel
V enuers u adenz de ſon podrel
Enemi lai auon tieri daſcane
Naz eſt de lohereine la tieriane
Mos paire li tout ia ducat de brane
Set ans neſtet dans bos ſoz come iane
Quel dolaue inazere e obre plane
Quant len traiſt lodois une lugane
O ſonor li donat ſa ſor germane
De la mort nrˉes paires li uielz ſe uane
Diſ ſes pout encontrar en uie plane
Ja nes garront eſ bos ne agaſane
Aico ce reſpont folche tien ꝑ uſane
Que ne preſ manacar mige une auſlane
Cent baron le ſegerent ſei natural
Viſconte e contor e riu catal
Jl les traiſt al aruol dun ueríal
Segnor franc ceualer ne uos dic al
Ꝑ uer ſui meſſagers de cort reial
Er uuel que entendez lo bien el mal
Chet maint dous eſcuders plus ne li cal
Que ni porteront males leit ne cacal
Abanz iront en deſtre li bon cheual
Auberc blanc iaçeran lelme a criſtal
Eſpades daur autiues eſcut leial
Lances trencanz furbides penon cendal
Suns porte uiel clauel neiſ en poitral
Ne tendra de ma terre mas ne caſal
Li reis a orlins eſt e ſi catal
De ſoz aoſte ſoſt en un pradal
Grant e fort e plenere e conmunal
Segnor ſien poiat del premer gal
Ca beorges prendrem demars loſtal
E fu del gent garnir ml’t bien creuz
Atant les un donçel denant uenguz
Segnor urˉe margar ne uos treuz
Ne uuel reſpont danz folche (neu me) ſaluz
Jntrerent el palaz que ſeſt teuz
Toz fu painz a muſec neis laruoluz
Laige lor fait donar uns uielz chanirz
Tanz genz treſors lor es aperobuz
Ne fu dun iouene ome tan genz ueuz
Denaz e de graues ab aur batuz
De bacins e dorcols granz o menuz
Catre cenz doceluns apercobuz
E uont au treſſeurer ca nom auruz
A caſcun uaiſelz bons lai fu renduz
Cil ne ſunt del ſeruir peſanz ne muz
Mil cheualers ia eſſer leſcuz
Li mangars eſ fenis eſ ſers uenguz
E ſunt annat iazer deſchau e nuz
Liuent de mige noit qant lune luz
E ſunt li cent baron cai menteguz
Viſconte e contor riu coignoguz
Tres er uirunt en france porcomoguz
Ciſt auiront del mes com ert ſobuz
E del plait ſil ſera faiz o rumpuz
Ne lai ert lauſengers tan encreguz
Des quauira folcon ne ſeit toz muz
E ſunt cent cheualer ditau facon
Veſtent bliaus de paile e ſiglaton
Vair e gris e ermine lor pelicon
Trainanz pelz de martre daur li boton
Cele nuit arbergerent a aualon
E daiqui a niuers can die fon
Au tierz ior a beorges ab aimenon
Qui lor fait gent oſtal en ſa maiſon
E com il ont maniat e li leit bon
Si íagrant ius quel ſolz pares el tron
Sunt chauchar e ueſtit li danzelon
Fant metre frains e ſeles a aur arzon
Auen meſſe e matines a ſant ſymon
Pois aigrent a conduit le conte aimon
Entros cau pont dorlins naurant guion
Entros cau pont dorlins de la citat
De lonc leire deſcendent dedinz un prat
Folche apelet aimon de mont iſmat
Le ſegnor de beorges e del reinat
Dan qant uos interrez en la citat
E pauraules au rei ma uoluntat
O le conduit de uos am ca intrat
Meſſagers de girart e ſeu caſat
E feran li tot dreit ſel uien en grat
Belfadu eíudeu ſie nuncat
Que mant mes arbers p̃ndre el borc labat
Ageme mon palaz si aceſmat
Si li auie adire anule daintat
E pos queu le ſaurie mal er annat
E aimes reſpondet bien lor contat
Aimes ſen es intraz cil ſunt reſtat
E folche od les ſeus a paraulat
Oianz franc cheualer queu mai penſat
Ne reſpondem au rei oltrecuidat
Ni aie dit orguel ne manecat
Mais ſions del conſel enſans piuat
Que cant en ſerons cai repairat
Ni dient que ſiem top fol ni fat
Quar cheualer uos tien a forſanat
Qua tencon de ſa lange gent ſe combat
Laiſſerent de foucon au cors menbrat
E parlerem daimon le uaſſelat
Qui paraulat de tieric e a ioifrei
Fu i richers de dreues e uc de brei
Galeran de ſaint lia ei godefrei
Paraulent de cel conte arbert de trei
Que pres lautrer girarz au fort tornei
Mil baroins eſtres morz au camp marchei
Aimes intret e ſalude e diſ au rei
Segnor uez uos folcon qui uen a mei
En ſau condut de uos ſobre ma fei
E fera uos tot deeit en ta marchei
E carles reſpondet ml’t mal le crei
Baiſot le e laſiſt deiuſte ſei
Aime garde el palaz la[z] un umbrei
Baufadu le iudeu uoit teint e chei
Ot manecar girart. ſin ac eſfrei
E aimes lapelet ceine a ſon dei
Vai men el borc labat faire un cōrei
Com a cent cheualers ne ſūt plus teei
Eſtre leſ eſcuders e lautre harnei
E li iudeus en iuret la ſoe lei
Nen ot tan gent oſtal pos ceint correi
Li iudeus ſen deuale od un cafrei
A labat del monſter de ſainte lei
E aim eſ remaſuz parlant au rei
Furent fraire german neuot terric
E conte natural manent e ric
Aimes cons de beorges ſi con uos dic
Andefreis tint meante e tot meuſlic
E aimeris n[oio]n e monteſtic
E teuriz lohereine tro a ſorric
Ac a muller la ſor rei lodoic
Ainz en ot il taus treis quil uielleſic
De la carce ateeis douſ fiz plus belz ne uic
Ꝑ cel tienent en france au plus antic
Mais conſel uers lo ſon nuſ om ne pric
(Ne preizont) en la cort autre un ambric
E qui dreit ſat iuiar mais eune tric
Carles aioſte ſoſt contre leſpic
Cuide far girarz gerre aueir afic
Aiqui at del conſel del melz de france
Aſſer leſ cheualers e lautre enfance
(Dunt) carles ſon palaz tot uomance
(E comande) au porter ꝑ eſfreance
Se porte i es uberte ne cai deſtance
(Vos en perdrez les uelz) ſenez dotance
Pois requirt del conſel la pime encance
Qui dreit uos ſat iuiar carle comance
Primers parlat teuris uns dus daſcance
Don reis uos lauez faite la deſegance
Quant preſes roſſillon per ta bobance
Ne fu eſcus traucaz ne fraite lance
Trai les uos unſ garz dauour ſanblance
Quel puí de mont ſaurel pent e balace
Bien eſtait ſi girarz en prez ueniance
Cant fezeſtes bataille e grant prouāce
Aiqui uos en fait dex la demonſtrāce
Qui fu paire betun fraire genenc
Segner deuſ la paraule ne uos retrenc
Se girart roſſillon de carlon tenc
Quant il ne li coillit daico meſpreuenc
Jſenbart diſ teiris ere uos ſenc
Jſte paraule ſemble ml’t de belenc
Se carles toz primers ſobre lui uenc
Que quil laduiçe el ſiege tant eſturlenc
Mais furent de cent mile ſi eu ni menc
Seu uele treſtot primers e ſeu pudenc
Seu ors e ſeu broon tot ꝑ mau genc
Quel tol de roſſilon la tor el benc
E girarz eu fait ſi con eu couenc
En bataille canpal lo rei en uenc
Ja ris om ne deit creire meſtiz ſebenc
Ja nou fera tant bie que nol loſenc
E gent e couinent e non a frau
En ma fei ſegner reis non ſauen au
Se uos tornez girarz encontra uau
Sel ſe tornet el pui ne ne leſtet mau
E regardez deiſ conte franc naturau
Qui uos tramet folcon ſon riu catau
Le meillor cheualer el plus leiau
De france ne dauuerne ne de peitau
So deu nan ab armes mellor uaſſau
Car il eſt gens a pei e de cheuau
Ꝑ riu conſel donar n̄ ſauons tau
Don acoilles lo gent ne uos ſeit mau
Siu arberc ſunt porpres el borc dauau
La deſcendra lo cons a ſon oſtau
E uendu uos encontre au perron blau
Denant uoſtre capele de ſaint marcau
Aſ oſtaies liurar ne uoſ trobrau
Dires quen at li reis leuelz ne clau
Segnor eu e girarz es dunt egau
Abanz en paſſerie camar o nau
O ſerie ſet anz ermite en gau
Que uos ia me metez en eſcabau
Sei baron li retraie le gant orguel
Quant preſt de roiſſilon laucor caduel
Dire queu a li reis clauent li luel
Segnor er meſcoltaz que dire uuel
De la ꝑte(co)ie faite forment me duel
Veez la ꝑ ceis praz daſtes tal buel
Tant alberc e tant elme laz cel reguel
A ces mourai girart ire e truel
Ne cuidaz de ſa terre ne le deſpuel
Ne laiſerai eſtar uilan dinz ſuel
Ne arbre doumescer que ne ueruel
Quen ſecerunt les brances e pois li fuel
E teiris reſpondet rei dex tafuel
Qan carles ꝑ angin conſel nos quers
Mal aie qui li done maiſ dauqueſt mes
Nonques dreiz de girart bie li uouges
Ses paires e ſos oncles cons uuideles
Me tougran ia ma terre e mon pages
Set ans ueſtiu faidis en bos eſpes
Queu ouraure maneures de quei uiſques
Qant men a trait reis carles ꝑ ſes marces
Rendet mei mon ducat tan gant cum es
Sa ſoror a muiller annai quei tres
Mais de ceſte ai dous fils ml’t gētes res
Mais ꝑ nul anemi quon mencoges
Ne dei eſtre de droit ne fel ne bles
E la cors o eſtait torne en deſes
Ꝑ tei ou di martel qui dreit ne cres
Eſcoutes e eſgardes e rien ne ues
Plus que iudeus me ſie que u͞e croz mes
Li dus tieris daſcane p̄mers iſſiz
De les ires quil a carlon mandiz
Deualet ſen laious ꝑ pons uoutiz
Primers dis galerans qui tec ſenliz
Annem contre folcon ſie coilliz
Eu ſui poiaz diſ aimes e danz dauiz
Andefreiz de noion ob amauuiz
Atendem aimeri de ſoz cauiz
E ſerom uint baron ob eſchariz
Baufaduz toz primers lai eſ eiſiz
Od lui li catre fil na biatriz
Ab une doſne ueue ca dous mariz
De caſcun a dous filz que ſat nuiriz
Luns fu ponz lautre artaus li tiers feliz
Li carz oſtain ſaloínes de mont eſcliz
Ne ueiſtes tan gent ne melz nuiriz
Paſſent au pont de leire ſoz elz baſtiz
E uont a dan folcon eſ praz fluriz
Li cons ueit les enfanz uait les iauiz
Vos remandrez od mei quel cor mou diz
Mais ꝑ les armes prendre uos uei petiz
Seruez e creiſerez ſerez garniz
Darmes e de cheuaus bons amauuiz
Li enfant ſos plegerent toz lor ceruiz
Segner ſerem li uoſtre lige e quiz
Baufadus trais folcon ſoz un uerniz
Don uoſtre oſtaus e genz e mauuiz
Toz portenduz de pailes e de tapiz
Tau ioie en a dans abes tien ſa gariz
Car il nen eſt diſ folche mige ipocriz
Ne fols ne reſconders plains dauariz
Eu le creſtrai del borc de ſaint feliz
Mil ome len ferunt lige ſeruiz
E ſe la gerre eſt ſi com on diz
Dunt ſerie auntaz e enueiliz
Mais por labat ſera ſaus e gariz
Nen es dis li iudeus de ſanz failliz
A ꝑruns uers e blaus aſſis ꝑ panç
Lai ſeſt li dus teiriz e engeranç
Gace uiſcons de dreues e galeranç
E ailins de boloigne qui fu guiſanç
E pontius e uimous e li braibanç
E ai qui de bauers e de alemanç
Lun paraule ties lautre romanç
Vint ſen ſunt partit eſ muls amblanç
Paſſent au pont de leire cau ſanz eanç
E uont a dan folcon eſ praz de ſanç
Li cons les ueit uenir drecet ennanç
E baiſet les toz uint ſenz nul bobanç
Se luns uol mal a lautre nē fait ſēblanç
Fu i danz engerranz e cons iofres
Aimes e aimeris e andefres
Li autre donzel furent baron ties
Segnor co dis dans folche aico [c]um es
Doſt que uei aioſtaz per iſ praes
E ꝑ puis e per plains e ꝑ deſers
Sobre cui uol annar carles lo res
Sobre iſ conte girart diſ andefredes
E toudra li borgoigne qui ſes dres es
Per mon cap co diſt folche aico non ges
Quel deſires le conte ꝑ ſos nonfes
Eu conois tant girart a riu marches
Ne ſera ſobre lui dous meis ne tres
Qui ferrunt loherenc des branz manes
Si ferunt borgoignon el deſertes
Li gous e ꝓuencal e roenges
E baſcon e gaſcon e bordeles
Mil baron en giront mort e eſtes
Eſtre ces dunt ia conte ne ſera pres
Qui ſeront ſet cent mile ꝑ totes fes
Hui mes parlem au rei ml’t bien eſpes
E ferem li ſol dreit e plus non ges
A las paraules puient eſ palefres
Par un le ſpons en intrent dedinz orles
Qui fu del tanz antif fūdementaz
Cel laiſet dan folcon ſos parentaz
Mil cheualers nenſtant ꝑ lui caſaz
Li cons intre el moster o ſes oraz
Pois poiet en la ſale ꝑ les degraz
Ni chauſiz mur ne pere fuſ ni aſclaz
Mais cortines de ſede ellui buſchaz
Enuols des mellors pailes quainc ueiſſaz
Ꝑ mi les ueriaus uient li clartaz
Les tables ſunt cubertes laige lor daz
Ne failli au maniar nule deintaz
Sapiaz de folcon muilt fu amaz
Quot lui ſunt li baron queus ai nomaz
Ceſt li conſelz de carle li pluſ preizaz
E com il ont maniat el ſolz baiſat
E font traire les napes uez leſ leuaz
Hui mais ſera li mes ſoau parlaz
E esliz e chauſiz e porpenſaz
Ne dira pas caſcuns ſes uoluntaz
Labes fait faire les liz par le palaz
Qui furent blanc e mol uez les cochaz
Si iagrent iusque ſolz fu eſclairaz
Sunt leuat e ueſtit e bien cauchaz
Oent meſſe e matines que dis daumaz
Hui mais ſera li mes au rei nunchaz
De par girart a carle dreit preſentaz
E uont a ſainte croz orar ꝑ uer
Carles ert au peron o ſolt ſeder
[E]ntor lui li baron diquel maner
[A]tant eſ uos folcon e maneſer
Engerrant e poncon de bel uezer
Volent la fin el plait amenteuer
Segner uez uos folcon qui uenc erſer
E o co diſt li cons marce querer
De part girart mon oncle en cui meſper
Don ne uollez iſ conte gerre mouer
Car taus ne ſen deſclare ꝑ ſon ſaber
Quel uoldra aiudar a ſon poder
Ne nos faice ta ire reis aparer
Car ſerauciz lo ſegle que deis tener
Des pois tornera deu a non caler
Vos comencez la gerre faiz la tacer
E retenez girart e ſon auer
Ne creez lauſenger por te plazer
Car rius om tant gant faide ne deit mouer
E faz ou ton enſi com eu couen
Se girarz roſſillon en aleu ten
Si pot faire borgoigne quel ademen
Eu li toudrai mil mars de ſon terren
Naura tant fort caſtel queu n̄ enclen
Aute tor queu non breze u n̄ eſgren
Premers parlet dans bec li filz bazen
Don reis top mancar ne p̃zon ren
Ainz uos cuide girrarz metre tau fuen
Melz̄ uos en retendreit de nul polen
Ja nen ꝑdra li cons for ne molen
Erbage de ſa terre forre ne fen
E ſe gerre en uolez aurez len ſen
Ne bataille campau queu uos eſtren
Que bien ris om en ſie nafraz ꝑ ſen
Quen pareſe li cors tro el beſclen
Ja reis deus n̄ doinſ force ſens ne alen
Qn̄t tu ne creiz conſel nul for le ten
De par girart mon oncle senz aneleich
Sel uos a fait leit tort que far non deich
Cent baron natural doncel eſleich
Aleus eſt roſſillons co uos autreich
Mais doutre ſaine laige ꝑ le rabeich
En la foreſt del pui de mont argeich
O uoſ auez un meis chace e arceich
Catorce iors ꝑ caut quince ꝑ freich
Li catorce girart font le conreich
E laduiçent ꝑ ſeine tote a naueich
Lai o ciſt pin e laur estant ereich
O meines ton deport e ton trepeich
Catre chaſtels i a girart eſtreich
Garane e caſtellon e mont aleich
Li cars eſt ſenegars qui toz leſueich
E ſi aiſi non ē com uos ai deich
Daico ferai ꝓuance e eſcondeich
Se nai tort io ne uuel quon men plaideich
Atant li eſtendet ſon gant en pleich
Daico uos feran dreit aici meeich
Serom a loſtagar fei que uos deich
De par girart mon oncle drei uos preſent
Sel uos a fait lait tort ſon eſcient
Daico uos fera dreit a chauſiment
Serem a loſtaiar cheualer cent
Cuns nen mentra ꝑ aur ne ꝑ argent
Mal ageu diſt li reis ſacheſt gant prent
Tros que fera de gerre girart taçent
Co nen ert reſpont folches a ſon uiuent
Dunt li faites le ſon premierement
Quom de feunie apele ſi non defent
Non deit tener citat ne chaſement
Pariurar le fezeſtes lui e ſa gent
Co furent conte e duc e ſapient
Lapoſtoiles mees cui rome apent
Dedinz conſtantinoble en auſilent
Jurerent que preſeſez nociaument
Fille demꝑador del griu manent
E girarz ſa ſoror tot eſſement
A sin ues la iurerent e ſeu parent
Tornaue ſen alaige eſtauient
Qant lor annaz encontee a bonuent
Aico eſt uer traires ſon eſcient
Qui laiſſe ſa moiller e lautrui prent
Con tu fezez la toe reis meſcꝛdent
E tougis a girart ſa bien uollent
Nen auet lauſenger lange pougnent
Se(l) ſe trai anans ꝑ uos garent
Queu ne len rendet mort u recreent
Mal ageu diſt li reis ſe dun la prent
Quaſſaz ſerez a tanz en camp dolent
La o ſerunt cent mile mort e ſanglent
Eu que ſai co diſt folche ſel reis ſe ment
Ainz atendram le terme un meis uertent
Oiaz franc cheualer qui auir reuc
La gerre de girart nert mais a ieuc
Ja ne prendra li cons uace ne beuc
Ne prendra ia citat nel arde a feuc
Ne tan bon cheualer quel non enereuc
Caine ne uiſtes ꝑ nule tant deſert leuc
E eu ſui ml’t dolent dun ele meuc
Ne prez uoſtre manace folche un codoing
Ne prendrai cheualer tot ne uergoing
Del naz o des oreilles nel face moing
Siruent ne marchader le pie o poing
Se uenem en eſtor ne en beſoing
Verrem cau le ferant franc e borgoing
Li caus fiert melz deſpade ne plus dꝛit ioīg
E nos arons diſt folche cheuaus gaſcoing
Ꝑ encauchar de preu e fuir loing
Coſins germans girarz filz aneſtais
Nus meldres cheualers nul leu non pais
Ne nus mellors uaſſaus ſaſte non frais
Ses cors fu eſcheuiz doliaz e gais
Ja dirai tal paraule que reis ſiras
Par deu carles martels ml’t mar i fais
Quan cuides tot un ſegle metre en pantais
E cuit girarz de gerre del tot tabais
E eu ſie uos pis ſe ne ten plais
Tendrai mil cheualers nert un ſauuais
E mourai tan rancune entros ca ais
Naura tan fort caſtel ne mi eſlais
Cuit que des teus demaines leſ mienſ engraiſ
Adunc poient au rei li ſans el cais
Sanz les ageſt toz pres bruns e bais
Quant parlet euroins qui fu cambrais
Engerrans e teuris e ponz de clais
Reis mors es ſe feunie en ta cort fais
Ne de tal auoleze carges nul fais
Nen as tan riu baron toz ne ten lais
Qui dere bon conſel li palainz
Qui creie ſes paraules e ſos latinz
Meſſagers de la gerre non es deuinz
Cau ſegner ſoberanz ſi ſunt ueizinz
Vns eſt cons lautres reis de doz maſtinz
Pluſ amorſaz de gerre qua ſanglarz cinz
Se gerre eſen mor e ſarazinz
Cuit que dels fure faite la ueire finz
Er predic que diſſel dans eurois
Con li uelz p̃dicaire de ſaint denis
Qui predica ſon peuple e conuertis
Mais ia nen laiſerunt ne uair ne gris
Ne blanz aubers ſafraz nelmes brunis
Tros que aie de gere girart maumis
Qui ma mes omes mor. pres e aucis
Mais ans que ſie uers ’con quen pleuis
J aura mais ꝑdut u plus conquis
Plait ne dreie ne amor nen porterem
E co que cai auem nonſcierem
Adunc girart au conte ou retrairem
En ſa plenire cort ou conterem
Vos aueis aioſtat uos manderem
El bruel de uaubetun cai no uerem
En la ribere o cort laige darſem
E ſens i poons eſtre ſi paſſerem
E carles reſpondet er uo pliuem
Cil en cui remandra tan loin ſeſtrem
Quen paſſe mar od nau o a ſon rem
E folche reſpondet nos ou facem
Hui mais gidez dons eimes ca uos uengem
Mais mes cors eſ iraz e tris e ners
Daqueſt emꝑador queſ eſt tan fers
Don reis car entendez iſ mos derrers
Prendez dreit ni oſtage diſ cheualers
Nen eſt co reſpont carles mes conſiers
Ainz paſſera iſ mais e iunſ enters
Serai ſobre girart ſos meſſoners
E trencerai ſos uignes e ſoſ ueegers
E uerrai la maiſnade quaura fouchers
Quel tendra contre mei mil cheualers
Per hoc non pot mandar mil pans enters
Mais mar ou ſe penſet laire fu ters
Sel laiſe prendre en uie ni en ſenders
Plus aut le ferai neſ uns clocers
A reis quo reſpont folche top eſ ligers
E a dinz acel cor mau conſiers
Ꝑ uers en ert bataille poſ tan la quers
Mais gart ne ten conbatre el cāp foucers
Que ſos talenz eſt fel e carugners
Nen eſt nuſ om tan duis de nus meſters
Ne de lalaue prendre nus eſpreuers
Queſt de cheualerie plus preſenters
E tendra cotre uos mil cheualers
Ne ia nen ert liuraz par lui carners
Nen donra quatre pans ſos deſpenſers
Dous plans enas de uin nuſ botellers
Mais les monedes liurent aſ ciuaders
Non eſt autres auers mais argenz mers
Del treſaur aſ barons eſt parconers
De cels quil ſat felons e uſerers
Ja non garra reſclaus ne clouſ dacers
Car plus ſat darticele ques artifers
Ja nen ert deſtorbaz nuſ uíaders
Ne borgeis ne ruaus ne mercaders
Mais lai o ſat baron qui eſt lucrers
Qui a catre caſtels ne cinc enters
De cel auer eſt danz e bobencers
Dun pan de loherenne uos ert ſobrers
Deuers mont beliart ſobre cauſers
En aura en aiude ſet miliers
Atant laiſſent les places e les umbrers
Deualent ſent ml’t toſt ꝑ eſchaler
Au ꝑron ous atendent lor eſcuder
Quin ont traites les armes e les deſtrers
A folcon ſunt cregut mil cheualers
Od folcher catre cent dunçel legers
Quel preſt toz a la cort a ſoudaders
Lencance de la gerre refait premers