Girart de Roussillon (Manuscrit d’Oxford) - 6
Eſchat a pres girarz tant grant con uol
Vai ſen a roſſillon o tornar ſol
E ſe li cons a ioi e li reis dol
Non lait bon cheual’r tro a baiol
Ne tenſar en moſter ne ſoz aruol
Teſte ni encenſer croiz ne orcol
Tot done a cheualers quanque lai tol
Pois les meſt de la gerre en tal tribol
Non pout ome baillar ſaiue ni fol
Non laucie o nel pende o nel afol
Cinc anz unt pois tengude eiſi la gerre
Que anz ne ſencontrerent en plaine terre
Souent le uait lo reis a gant gent querre
Noil laiſſe borc ne uile ne cimentere
Per hoc tant a girarz amis enquerre
Nol pout legirement lo reis conquere
Sen caſtel non lenclot e en lenſerre
Car ueit de girart nel pout trobar
A plane terre en camp ſi com ſol far
Mandet totes ſas genz tros quen la mar
Non remaſt cheualers ne nuſ ris bar
Ni borzes ne ſiruenz qui poiſſe annar
Tuit uant a roſſillon ꝑ aſſeiar
Fun arberges baſtir e traus drecar
E fun arbres rezir uinnes trencar
E girarz e li ſeu ſenc a armar
Souent loſt eſtormir fors e lancar
E folco e gilberz de ſenegar
E carles ſafichet de ſoiornar
Tros quen ueie lorguel creſte obaiſſar
En mai uien lo reis a ſon apleu
E fu tros a la feſte de ſan romeu
Non laiſſe auer en france bon car ne leu
Ni rente en ſa anor cenz ne touneu
Tot nos face uenir aiqui o ſeu
E iuret n͞r͞e don e ſant andreu
Ne tornera deſtat ne ꝑ la neu
Tros roſſillons eſ ſons co que laigreu
Lainc ac un porter mal enreu
Fauſ creſtian felun plus dun iudeu
E gardet lune porte en lat en feu
Autre uez lot traide el e li ſeu
Tramet ſouent meſſage ſemblat romeu
Del rei la porte auer paraule e breu
Per quei traſt ſon ſeinor e ꝑdet deu
La mollers girart ac une enuííoſe
De ſa cambre ſancele uille dioſe
Pres les claus de la porte la cobeitoſe
E det les au porter cui fun eſpoſe
Lo traiches fun cubers ueiſoſ e clous
La nuit fun brune e negre clartaz noi lus
E il eſt del caſtel ꝑ un pertus
E uen au rei e dis ne uos [tr]aus
De la tor uos aport la clau de lus
E carles quant louit ſi ſen eſtrus
Preſt lo conte dangers e cel de clus
Luns a mil ceualers e lautre plus
Er auiaz de gloton com les adus
E uunt aitan ſoau cun ren ne crus
Ne paraule a ſon par ne grāt ne tus
Tros les ac en la tor el mur deſus
E quan ſunt en la tor cridūt trait
Lautrant de fuc conmes lo rei marit
E girart ſe ſedet la u durmit
Vit la clartat del fuc e ot lo orit
Darmes e de cheual ſon cors garnit
E ne furent mais catre a eſcharit
E uenguz al portal e at lubrit
E uit defors de lor tant el brunit
Per conſence milon lo duc niſit
Lainz fant robador tragine e rap
Ne laiſſent cope daur ne bun henap
Ne paile no rodat ne autre drap
Dun mil parle au porter de ſoz un ſap
Tuit ſeu parent felon dis cel qui ſap
Furent toſtēs tracor li paire el pap
E dun mil au porter trenca lo cap
Caiſtias uos traicor de ſi lai gap
A mige nuit abanz que can li cos
Fun roiſſillons trais queſt de mur clos
Eſcuder uant cercant crotes e cros
Ni remant cruiz ni chaſſe gone ne fros
Ne bons pailes rodas dras uielz ne nos
Meſtrunt lo fuc el borc cubert de ros
Des landers e del blat ſail cros e blos
De chochers art li fuz e chait li clos
A ſon oſtal ſe iaiſt li ris cons bos
Fait ſobre lui fermat poſtiz e pos
Aiqui es ſes armaz a cent de ſos
Qant fu al bon cheual de ſobre el dos
Non ſoane eferir doliat ne gros
Mieldres uaſſaus ne fun de car ne dos
Li fouz el uenz el criz fait tau temoute
Qua nonna uit tan grant diſt qui leſcoute
Eſcuder e ſiruent gent garce e gloute
Ne laiſſent a robar autar ni oroute
Don bos les uait ferir en mei la route
Ques aucit e confunt crabente e boute
Cui es conſec a coup pois ne uit goute
Vit la maiſnade al rei qui entre toute
La feſt lo cons orguel e cauſe eſtoute
Lo cons girarz ſen iſt ꝑ une porte
Peiſa de ſa muller car non len porte
E don bos laiſſe a lautre tante genz morte
Li uilan uant cridāt tuit la rodorte
Dun bos les uait ferir ſenſeine entorte
E non quidaz dis conte quel ſen reſorte
E trues ueit la maiſnade del rei plus forte
Dun bos les uait ferir quan les coinois
Jl non fert cheualer que tot nel frois
Lo cap e lo catais troz quinz eltois
Vint ni a morz laiſſaz que mois que lois
Les maiſons el ſoler gentunt tal crois
Cū mais no uiſtes fou que ſi ſangois
Se bos mais la eſtait fera que mois
Seſpade peciade e ſaſt en trois
Sen tornet teinz de ſanc e de camois
Dun bos ueit la maiſnade del rei cō entre
E les ſeus crabentar murir e uentre
Les terres e les murs a lor porprendre
Les maiſuns aſ ſolers el borc eſprendre
Enquet lo crit des donnes a entendre
Veit la muller girart duns garz deſcendre
Si auuiſaz la donne a deu contendre
E eſcridet en aut girart car ſendre
Jamais ne uos uerai eſpade cendre
E dun bos quan lauit lo cor na tendre
E uait la denan lui leuar e prendre
Anglezeis e breton une genz male
Vant ſobrant e robant cornant lor gale
Noi laiſſunt palefreit ne mul ne male
Dun bos pres la conteſſe a ſon leſchale
A pauc de ſa maiſnade ſen adeuale
Eiſen ꝑ la poſterne ſoz la grant ſale
E paſſet ſeine laige u ga de bale
Ouit auez col reis pres roſſillon
Et chel porcers en feſt la traicion
El en ac eniſloc ſon gaardon
Car en ꝑdet lo cap au brat milon
Aiſi doit lon menar encre felon
Girarz lo cons ſen uait a eſperon
Toz nus pez e en langes e ſens caucon
Fors ſon oberc ueſtit ſenz aucoton
E no ſunt mais o lui trei conpainon
E cō el uen el bruel ſoz mōt argon
Lai encontret gilbert lui e folcon
Seinor or eſgardas confuſion
Eu uuel tornar arere uers loſt carlon
Car ma muller mainent franc o friſon
E gilbers reſpondet doz aico non
Nel place a damledeu lo rei del tron
Que ia uos metez en tau bandon
Aiſi com il menauent iſte razon
El gardet ſobre deſtre ꝑ un canbon
Veit uenir ſa muller e don boſon
Qui la tent denant ſei ſobre larcon
E at ꝑmi leſcut daſte un troncon
De fors pendent leſ lenges dū gofanon
Autre en ac ꝑ la teſte del ſor gaſcon
Ben ſemble cheualer quen coite fon
Fait maueis dis girarz ſeruiſe bon
Deus me dun queus en rende lo gaardon
Gilbers de ſeneſgarz parlet pimers
Queſt ꝑforcis ꝑ armes e bons gerrers
E don can cꝛguſteſt tauſt deſtorbers
Annem en a diion ſempres pimers
Li caſtels eſt toz dobles murs e terrers
E mandez borgeinons e les bouers
E prenez gant maiſnade de ſoudeers
Noi remaine a donar aurs ne deners
Ni henas ne graaus ne candelers
E ſe carles i uent e ſos enpers
Ne preſerem aſaut dous faus laners
Ml’t eſſez dis girarz bons conſeillers
Tote noit chauaugerent ꝑ un ſenders
Entrerent en diion ꝑ ponz pimers
Apelunt a la porte ubrez porters
Cel les coinuc e obre uolentiers
A diion uent girart o lo clar die
E deſcent au perun lon la cairie
E entrat el moſter ſainte marie
E pia damlideu canz ne locie
Trues de carlon martel uenianz ſe ſie
Com a fait ſorazon e meſſe auie
Eiſit fors del moſter quāt fu fenie
E trobe ſa maiſnade ſi lor dezie
Mais el non a talent ke uers un rie
O trobet ſa maiſnade e ſi lor dis
Perdut ai roſſillon caſtel antis
Enſer a mige noit la carles pris
E ne quit iam baillaſt ſi n̄ trais
Ere men uen a uos en iſt pais
E cil reſpondēt ſempres cuns n̄ gecis
Seigner qui or uos faut toz et onis
Er uos cuide auer carles tot cōquis
Mais ainz ſera paſſade la ſaint denis
E ſet cent chaualer des ca(ſp rezi)s
Lo cablez qui auer ler blanchezis
Que uos ſeiaz plui donor faidis
E girarz lor reſpont ſeinor mercis
Can beſoin ueit lom ben cau les amis
Mais ia n̄ ert reis carles tant poteſtis
Lintrar del roſſillon uol ſie eſchis
Celz qui dinz remanront eu en aſis
Ja non uerunt la feſte ſaint denis
Que lous lor ſemblera loitans caitis
Carles del roſſillon uait a paris
E girarz tot le fez eiſi con dis
Co fun iſſent paſcor co intre mais
Carles fun a paris en ſon palais
A mandade ſa cort e te[c] ſos plais
Soi baron li demandent el lor retrais
Cauſ fun de fonafaire li forfais
Roſſillon lor touge qui me fu trais
Dieluns me fu genz e girart lais
Coinoiſſent uaus del conte ſes agais
Toz en deſſent lorguelz e li iamais
Ere ſabunt franceis e borgenun
Girart fait de teuri la traiciun
E laquez a foucher e a boſon
Eu rent tant cō pois lo gaardun
Ꝑdut a roſſillon e auinun
Failli li ſunt li goz e li gaſcun
Se uie n̄ me fail e meu barun
Noi laiſſerai donor un plein baſtun
Mentres quel reis o dis ml’t li ſat bun
La traciuns girart ſerrenouele
Non ſen pout eſcondire qui len apele
Bataille en feſt campal ſos mont amele
Torz lo getet de camp cui el cadele
Eu ſiual lencontrai cai uers bordele
Aiqui meſtraſt girarz une merele
Bataille feſt campal une en ſiuau
Aiqui ꝑdet folcher ſun mareſcau
Lau ꝓuai con felon a deſleiau
Le ior tec eſperons car e cheuau
Atant uez lun meſſage qui li eſclau
Seiner dinz roſſillun a mal oſtau
Li pimers mes i fail au ſeneſchau
Seiners roſſilluns a feluns ueizins
Girarz en ſeneſgarz a ſos cuiſins
Si lor uede lintrar e los chemins
No intre marchaders ne om tapins
Lainz lor fail cuiade e pans e uins
No uoil co reſpont carles tau me declins
Deualet o poiet au graz marbins
Deſcarable annet o lui garins
Gacel uiſcons de droes e baudoins
Anz non finet lo reis tros a orlins
Aiqui requert conſeil a ſos amins
Carles prent ſon cōſeil a ſos piuaz
Garnira roſſillons deuers toz laz
Ml’t ſera lauer granz qui ert menaz
Baufaduz li iudex fu demandaz
Aico feſt faire au rei ml’t granz pechaz
Car dex iudeu non ame ne ſon ſolaz
Ꝑ itant en fun carles mal abaiſſaz
E uencuz de bataille e encaucaz
Cum auirez ſenpreles aici aſſaz
En la citat dorlins ot un iudeu
Qui fu fiz penchamin au fil abeu
Qui de folcon lo conte cadan aufeu
Quinze muis de forment an car oleu
E autre tant de uin aco ſai eu
E treis cers de ſazon la ſaint maceu
E quinze uaces graſes la ſaint andreu
Cel fun de dinz la cambre au conſel ſeu
E eiſi de lainz eſcris un breu
En ſes letres cui ſat en lēg ebreu
Tramet le dun folcon ꝑ un corleu
Girart lo conte die que nolineu
Roſſillun uait garnir carles el ſeu
Fera lou ꝑ la feſte de ſaint romeu
Quinze mile a cheual ſunt e a peu
E folco quan louit loet en deu
Enquer tendrai rei carle mon don leſtreu
E folco lo uait dire conte girart
Li cons ot les paraules del gainart
E trameſt ꝑ boſun e ꝑ berart
Ꝑ ueil gauter florit de mōt eſcart
Parent ſunt e german a don girart
Vnquez laduz un fos aiſi iaillart
Mil cheualers ab elmes qelz de ſa part
Noi annet li meſſages mige tan tart
Quel reis tornar ſen puiſche ſenz gant regart
Girarz parlet al meſazer quil fu trames
E a mandat ſes omes ꝑ tot a fes
Oe qui ſat bon ami ꝑ lui⁎trames
E agent catre mile anz que moges
Anz que lalbe del ior apareges
Les a toz enbuſcaz en un defes
E li reis uait garnir roſſillones
Enant ſunt ia li car e li borzes
E lo reis uen apres e ſi marques
Quan girarz lor ſailli dun bruel eſpes
E dunt ſat ben lo reis que trais es
irarz a meſ ſes omes toz ꝑ ſoquez
Poiz eiſi en la garde toz ſous de pez
El reis a roſſillon ueit cōmauez
Enant ſunt ia li car e li dumez
Li ſomer e les males o les garmez
E lo reis ueit de tras e ſos eſſez
E girarz tor aſeus e diſ ſalez
E pois al autre mot ꝑ ci eiſez
Furez e ociaz e retenez
E qui auer uoura ꝓu en prenez
Jamais ne ſeres paubre ſe uos uolez
En aiquel ior retorne girarz en prez
Carles ueit de ſa gent con ſenes brui
E folcon o les ſeus cō les adui
Trais ſoi co diſt carles n̄ ſai ꝑ cui
Enquer auen dis uge mais gēt de lui
Non ſai autre conſel conbat o fui
E mentres quil li dis ſarment andui
Mentres quel reis ſarmet en part ſet cenz
Quant ueſtiz lor obers blans cō argēz
Eſcuç on couinenz elmes luiſenz
E cheuaus de gant pres adrez corenz
E gidet lof aubers un ſeu parenz
La o trameſt lo reis quin fun dolenz
Ves bataille maiſ ſie qui la comenz
Au ſo partir nac folco dobles garenz
Folco a la caire brune el cabeil ſaur
Qant de tal chauale noi mentaur
E out elme e oberc ke feſt tau faur
Que ia nō chara maile con li reſtaur
E aſceinte leſpade de madaur
Portet eſcut daçur a bocle daur
E tinc aſte e lance de uin maur
Dun caſtel de bigore queſt ſobre gaur
E chauauge un chaual ſor baucanlaur
Intret en la bataille a ſon eſpaur
Joíírz a arbert lo clerge de uile maur
Lo clerges uit folchon del renc eiſir
E broquet lo chaual el uai ferir
Sobre loberc li feſt laſte croiſir
Mais ne pout tan enpendre ke ios lo tir
No cuidaz de folcon pois lo reuir
Folco ferit lo clerge a ſon eſgoc
Ben aut ſobre ca bocle de leſcut croc
Non eſt tan fort loberc n̄ trenc e troc
En cel coſta ſeneſtre li feſt tal broc
Que dequi lo deroc mouer nos poc
A roſſillon uait carles a gent piuade
El nō a ſoſt monide ni mandade
Ꝑ oc non fun tan pauche la cheuauiade
Que can furent ſa genç tote ioſtade
E furunt coinegude e remenbrade
E uirunt la girart ml’t eſpauchade
E corunt les ferir de grant bruiade
Senpre i out daſtes fraites une charade
Son gonfanon pleííade lance baiſade
Sen uait fuiant girarz uer ſa cōtrade
Qant bos deſcarpion uent ꝑ la prade
O lui mil cheualers de ſa maiſnade
Mareſtun mareſtun fu eſcriade
Lenſeigne de girart en recobrade
E la carlon martel mal abaiſſade
Maint bon uaſſal uiraç mort ꝑ la prade
Si ourent deſconfit lo fil drogun
Que n̄ ert de ſenſeine qui mot en ſun
E el porte baiſat ſon gonfanon
De ſanc uermeil degotent li freniun
E a uoute ſa reine dreit uers diiun
Quant e uos apoinēt conte boſun
O lui mil cheualers deſcarpiun
Vent eſcridant lenſeine de mareſtun
E diſt girart au conte ganç cous lor dun
E li cons recobret e ſat li bon
E eſcridat aſeus daz lor baron
Mar la garra io reis ne ſui gloton
Li normant nel franceis ne li bretun
Dun bos deſcarpion uent ꝑ lo cant
Grant a la forcheure doliaz ꝑ flant
Ja gencor cheualer om ne deinant
E out elme e oberc ꝑclar e blant
E a ceinte une eſpade ueila trēcant
Son eſcut a ſon col dos dolifant
Anc n̄ uiſtes tan fort ne meins peſant
E chauauge un chaual corſer ferant
E at lacat en ſaſt un aurebant
Mareſtun mareſtun uai eſcidant
Lenſeine de girart fort eſſaucant
E carlon martel uai abaiſſant
E maint franc cheualer mort crabentant
Vgon lo duc de breie uait demandant
E uges quan loit ſali denant
E ſunt ſannat ferir de tal ſenblant
Que troquent li oberc e li auuant
Luns met la lance al autre ben ꝓf del gant
Vns nen remait en bai ni en ferrant
Or eſt meſters aus contes con les eſtant
E uos ꝑmi leſtor neliazar
Non ſai ſe uos nois un mais parlar
Qa cons fu de pontiue e tent belclar
E conſelliers au rei de ſon afar
Vit en leſtor landri de mōt gimar
E broche lo cheual uait lune dar
En ſon oberc ſafrat quel fait fauſar
E ſa lance trencat outre paſſar
E ſenſeine uermeille en cors reſtar
E crabentat lo mort del baucan uar
De ceſtui ne charra con mais ſe gar
Eſ par leſtor garin deſcarabele
La maiſnade carlon ml’t gant cadele
E cele de girart fert e flagele
Mais nafraz eſt tan fort deſoz laiſſele
Sobrel col del chaual lais ſa bodele
El reis na grant dolor a ſei lapele
Garin franc cheualer nos eſtait gent
Ai cō mau uait del uentre qui uait chaiēt
Leſcot e les romeſes louunt roment
Qui tal conte me tolit deus tu li uent
E garis ot paraule mais nol entent
E broche lo cheual par ſen poinent
E uait ferir poncon de mont arment
Tal li det en leſcut que tot li fent
E loberc qua ueſtit li eſcoiſent
Tant cum laſte li dure mort len deſcent
Pois a parlat un mot tan couinent
Seinor ꝑ iſte plage uos en ament
E uos ꝑ camp tebert de ual beton
En lui ot cheualer ml’tiſme bon
E fu del lī ben prof au rei carlon
Demande en la bataille conte folcon
E folco quant loit denant li fon
E ſunt ſannat ferir de tal tencon
Que troquent li oberc e li bliſon
Ambe dui, ſe roqent en un canbon
Mais folco recobret e tiebers non
Lai o frances ſaioſtent a borgeinuns
Aico fun dous e talle e ire eſuns
Viraz tant aſtes fraites ſobre bliſuns
Tant eſpade pechades ꝓc des ínguns
Dun li donzel ſunt mort ꝑſaucotuns
Quāt trencades les goles ſoz les metons
Aiqui fun retengude la garneiſuns
Dun digre eſſer garnis toz roſſillons
Carles martels ſen fuit ꝑ uns canbons
Encaucerent lau dos cent gofanuns
De cabrol uos menbrez dentre bracuns
Non deret lo ior carles ſos eſporons
Por orlins ne por cartres ne por ſeiſſons
Ne ꝑ cent mile mars de purs manguns
Ves li at buns chauaus e roſſilluns
A roſſillon ſen fuit carles lo ſer
E girarz o les ſeus ol cāp iazer
Aſſaz at a doner e a tener
Jamais ne li eſtot ſofraite auer
Mais pur face iuſtiſe e die uer
A roſſillon ſen fuit carles lo res
E girarz o les ſeus el camp manes
E prent ſos mellors omes conſel lor ques
Seiner conſſelliez mei ꝑ totas fes
Vers carlon mon ſeinor con le fezes
Per qual giſe uers lui me contenges
Primers reſpondet folco qui ſaiues es
Don prenez un meſſage ꝓu et cortes
E ſi mandaz au rei ml’t ganz marces
Vos li rendrez lo ſun cam nauē pres
Pois li derem del noſtre tot lo gences
Per que lire e la gerre remaſes
E ſel faire nel uolt nen tē caut ges
Car ia no te fauderai ꝑ totes fes
Girarz creit le conſel quil ot meillor
E quel dirunt ſui conte e ſui contor
Ni oſa trametre ome de gant ualor
Que top ſat grant la guerre e la iror
Mais tramet au monſter ſaint ſauuador
E feſt uenir des monges lo prior
Monges uos men ires a mon ſeinor
Al rei carlon martel lemꝑador
E diiaz li aico ꝑ grant dolcor
Quen tort en ſa fiance e en ſamor
El moinges quant lauit de ſauz lau cor
Mais n̄ ac anc tan grant pouor
A roſſillon ē carles de ſos un orn
Viraz leſtar irat e triſt e morn
Veiz li demant le moinge el famulorn
Diſt benedicite e fait ſon torn
Mais lo reis non a ſoin que mot li ſun
Fors que tant li demande cō aues nun
Don certes cree michi faire bormun
Si me trames a tei girarz tes omn
Cō i oſas uenir ne ſi ne con
Don a uos me trames girarz de loin
Quel te uenra dreit fare grant e ꝑgoin
Mais que iuiar li fai auenadoin
De ſon dreit co diſ carles n̄ ai eu ſoin
Anz li toudrai ualerne e mont ſem ꝓin
Non laiſerai donor un ſol plain poin
E uo qaueiz furmit aiqueſt beſoin
Conſiraz ſui (d)es coiz con uos uergoin
El moinges (q)uant loit uougre eſſer loin
Girarç non uenquet mige ꝑ ſon eſforz
Car ſe eu lo ſobez pres fure e morz
Nol garire repaires qui tant fuſt forz
Borz ne cis ne caſtels mais cal uns ſorz
Sobre uos cuit dun monges quen tort li ſorz
En talent mes uengut ques coils n̄ poiz
Li monges quant loit uougre eſtre eſtorz
Li monges ot de carlon qui o lui tence
E entent la razon con la comence
E tem uoil face torre la genitence
Cal ore quen fuſt fait la penitence
Parlet com ſaiues om de grant creence
Don li coniat de deu e la lecenze
Tornaz men uourie eſtre alobience
El reis ſe li afole no li congence
Moinges di a girart gar no li mence
No fera fin a mei ne couinence.
Trus que lafol de gerre e tot len uence
Mos paires le noirit pauc deſ naiſence
Tros pout mil omes paiſtre de ſa garēce
Cuidai ſe feſt a mei la remanence
El me comenca gerre e maluolence
Eu len tourai la terre tros quen ardence
Diſte part roſſillon doutre ꝓuence
Non fera mais girarz la remanence
Duna ren te iur monges ih’u del trun
Seu tenie girart de roſſillun
Eu lo ferie pendre cō un lairon
A ſordeiors garcons de ma maiſon
El monges quat lauit ne dis que non
Mais loinaz ſe uougre eſtre denāt carlon
Monges con ſi oſes a mei uenir
Melz uos fure el moſter la meſſe dir
E de dinz u͞r͞e cloſtre libre lezir
E ome mors mantaire e ſofugir
E uoſtres ſaumes dire e deu ſeruir
Quel meſſage girart a mei furmir
Se ne mere ꝑ deu e ꝑ perir
Talent ai de ca coille con la uos tir
E monges quant lauit ne ſout que dir
Mais preſt ꝑ poin ſon fame encan eiſir
E poiget al peiron non cuit pois uir
Ere ſen iſt lo moinges de ſaint iudas
Deualet ꝑ leſchale plus que lo pas
E poiet al peirun o cheual gras
Acuit la riuere aual ben bas
Li famulors lo ſec a lon de tras
An no diſt una uez or ua ſi tras
Tros que fun a girart no ſe remas
E li cons li demande que la fait as
Noi coitar dis li monges car toz ſui las
Jnterrai el moſter ſonar mon clas
Dirai deum laudamus e ſaint thomas
De carle rei martel qui gari mas
De noſtre genitaires ꝑ pau n̄ ras
Tu querras en uers lui con lo feras
Quar iamais ꝑ meſſage nō trametras
Anz me direz dans monges cō en partiz
A roſſillon fui ſeiner ml’t eſcarniz
Eu dis que ſes auers ert toz queſiz
Que tu li trametries ꝑ tes nuiriz
El me fu de felnie toz amanuiz
Diſt mei que a ſon paire uengez petiz
Anz n̄ fu om ꝑ autre tan gen nuiriz
E pois adobet uos quant afar fiz
Quant u͞r͞e cors fu toz enualadiz
E el cuidet auer u͞r͞e ſeruiz
Vos li fus de mal faire pimers garniz
Non fera fin a uos ꝑ ren co diz
Tros confundut uos aie toz par taiz
Si que doutre la mar nirez faidiz
Seinor co diſt girarz ml’t eſtait laich
Que eu ma onor ꝑde ſi entreſaich
Ja nō dira lo reis queu lai traich
E eu li uoil gaiar tot le forfaich
De pois fui chaualer quan li ai faich
Mais lo blat com el ſeíne en ſun garaich
Aura lon abanceis coillit e traich
E pois uerez paſſar aril e maich
Queu aie mais o lui trege ne paich
Moinges ſaz utres noues del rei carlon
Eu non co diſt li moinges ſe males non
Co loi deu iurar le rei del tron
Se prendre uos poie ne don boſon
Que pendre uos ferie comme lairon
E girarz ſeu ſoſrit ſoz ſen grenon :
Quer tau ren lauent fait qui nol ſa bon
Les cheuaus e lauer unt mi baron
A tot nos en irem tros a diion
A diiun ſen tornet el compainer
Ot li feſt le conduich grant e plener
No ſunt eſchars ſeſchal ne li boter
Li poun e les grues lauan enter
Gran ſoudades en portent li eſcuder
La nuit ſunt leſchelgait ꝑ lo terrer
Tros que ſouent li ſain dinz le clocher
Quant unt la meſſe oie li cheualer
Girarz ſen iſſi fors ſoz un laurer
Fait apelar folcon ſon conſeiller
Tant mul tant palefreit e tant deſterer
Aiqui furent paiat gent ſoudader
E furent demandat oſte au loger
E qui n̄ a maiſun quert carpenter
E girarz lor iuret en reꝓuer
V il mouura gerre carle e deſtorber
A ſobre uiure auiſe e eneonbrer
Carles en roſſillon lo reis ſeſtruit
Non uis tant irat rei con lui can fuit
E mandet ſos franceis quel ſegent tuit
Meſſage en a girarz en lautre nuit
E mandat ſoudaders ab aceſt bruit
Prou lor dera argent e bon aur cuit
Enquer en ert bataille une co cuit
Girarz fait faire breus cent e ſeele
E mandet cheualers ꝑ tote terre
Cil qui uout bon auer girarz li dere
Deſ ci ca catre mile ſunt metre ſele
[F]ez eſpeaure tant aur e tant diner
Qui uunt tuit a diion qui quen peſere
Girarz e ſui nebont renqent tal gerre
De que fun toz dolenz taurit enquere
Lo cons girarz mandet toz ſes baruns
E tramet tros caſ monz ꝑ bergeinuns
Bouiers e alemans tros ca ſaiſuns
O ke ſat bon uaſſal aquel ſemuns
E pramet lor aſſaz e fait grant duns
Deſoz diion uirez en plans canbuns
Tenduz traus de colors e pauillons
Tant euſeines de giſes e tanz peinuns
Girarz uent en ſa cambre en un reſcuns
Aiqui preſt tal conſeil qui noil fū buns
Au comenz del conſeil intret dū bos
Afublat mantel gris de porpre uos
E fut deuiat ꝑ flans e ꝑ peuz gros
Enquer eſt de ſa plaie (paill)es e cros
Coarz lei duiz (nol mal ſaine) ardiz fos
Car toſtens fun de gerre (ſos) talenz nos
Tro nos acodi ſel carles ꝑ(mo)s
Sa roſſillon a paz na loin repos
E ꝑ hoc a pour can ſi enclos
Seu ne (fuſſe naffraz) ꝑ mi lo dos
Li paſere ma lance entros as dos
E ſe mais ſe combat ke tant ſi os
A breus iorz er mermaz o genz ſes los
Ere parla don folco li cons ſogentre
Greu pout iſir de gerre qui leu i entre
Com podenz de bataille maiſ carlō ueītre
Tot le meillor coſeil qūe ſai apꝛndre
Se garniſſe caſcuns de lui atendre
Se nos uol aſſalir e nos defendre
Au tornar ſe maneit li maire el mendre
Taus porie de ſeus baruns deſſendre
Por cui ferie plait carles mon ſendre
Aproſ parlet gilbers qui ſeſt denant
Vos en direz lo melz au mien ſenblāt
Car top auem ꝑdut en conbatant
Enquer auenz caſtels e auer tant
Que ben poden ſofrir tros ca un ant
E carles a mandat ſon rirebant
E uendra ſobre nos dira talant
Li gaus fun enconbros el paſ ſerrant
E ꝑdra i aſſaz anz que ſen ant
Non prendrie dis bos petit ni grant
Dun preſes radencō ſei daur peſant
E girarz a maiſnade bone e grant
Li ſoudader bouer alemant
Qui deſirunt bataille e uūt cercant
E noi metez paor ni eſpouant.
Mais chauaugan anuit au ſol cocant
E ſiem lor encontre com el ſeſpant
Eiſi poden carlon getar decant
Non preizerai ſa gerre puis mige un gant
Toz ner deſeritaz e ſui enfant
E girarz la paraule uol ml’t auir
E enquet la boſun a eſbaudir
Seiner n̄ puis mais gerre far ne ſofrir
Car non ai ke donar ne que tenir
Sai ꝑdut les barons ke ſuel monir
E uuel melz achebar e breu fenir
Que maner en temor ne tant langir
Facaz en co dis folco tot u͞r͞e aruir
Ab aquez moziz ſen enqunt a eiſir
A is conſeil derer ſen ſunt eiſut
Co ke bos en loet en unt credut
Cal autre uez los a gent ſocorut
Girarz monte en chaual baucan crenut
El praz deſoz diion eſ lo uengut
Lai uant lui baron lor traus tendut
Gran mercet rent au ione e a chanut
E lor prege ꝑ deu cons n̄ remut
Entros que laueſꝑar quil ſunt mongut
E paſſerent les fais del bruel ramut
Egal lo ior en uenrunt ſoz pui agut
El plan laz caſtellun ſunt deſcendut
Or les en face dex ca porueut
Car enquere en frandunt maint nof eſcut
Soz caſtellun deſſendent egal lo ior
En la cort girart ac un uauaſſor
Jcil fu naz de france la meillor
Pres fun en bataille ſoz uaucolor
O girarz uenquet carle lemꝑador
Jl non pres autre auer nul mouador
Ne mais que ſun ſeruiſe cel por ſamor
La nuit a fait ſenblant de bauzador
Apelet un dunzel fil ſa ſeror
Neis uai e di carlon lenꝑador
Soz roſſillon o tent ſa gent maior
Que girarz a mandat ſa oſt forcor
O lui ſe conbatra deman laubor
E face ben garder ſaurie flor
Non ſie decebu ꝑ traitor
E cil com o auit mo toſt lai cor
Cil monte en un cheual uait la poinent
Anc non finat dannar tros ca rei uent
Soz roſſillun le trobe à parlement
O acorde cacon au duc daiglent
Quant lo reis parle iqui e cil deſſent
A una part le traiſt lor uelz ueient
En la cort girart ſirf un tuen parent
Qui te mande ꝑ mei celadement
Que li cons a mandat tote ſa gent
E a ml’t ſoudaders cui done argent
Aico ſachaz ꝑ uer ke ci en uent
A uos ſe conbatera oi ueirement
E carles quant lauit a cor dolent
E ꝑ hoc ſi fais chaire bele rient
Enquer quit ueniar mon mautalent
Carles gardet uers cil ꝑ deu preiar
Seinor car me dones oi ueniar.
Di cō ant chaualers ſaz les preiſar
Nes poigins toz ueeir ne aeſmar
Mais de purs ſoudaders ꝑ achatar
E ni a catre mile que ſui nōbar
Des lo matin del ior ke laube par
No fine a cheualers dauer donar
Comande ſa maiſnade uermeille armar
Lui e boſun aui erſeir uannar
Mult nos cuidunt a breu loin enchaucar
Or me pot co dis carles dex aiudar
Sel ne pois de ſe onor deſiritar
Toſtens me laiſerie a coronar
E mandet ſa maiſnade ꝑ conortar
E peirun e naimun e naimar
E partirent de lui al ueſperar
Apele un chaualer qui fait annar
E mande ſos baruns ꝑ conſeillar
Carles mandet ſa genz a qui conſeille
Seiner ere mauiaz qui ne ſomeille
Mal aie ui tenſaurs ſa mei ſoleille
Per quei naient ſofraite ma gēt feeille
Dirai uos de girart com ſe reſueille
Perdu a roſſillun dun ſe coreille
Jſ meſſages men conte una merueille
Qui i fait ſa genz armar tote uermeille
Apres parlet dans uges li dux de breille
Don non fazez aiſi ſorde loreille
Mais fai armar ta gent ſi te paraille
Seinors co lor diſt carles a uos o dic
Cui tant ai tengut car e ben nuiric
Aiudaz nía ueniar li mei amic
Se dis camp pois getar mon enemic
Nō lairai de caſtel a toudre eſtic
Tuit len aſſegurēt e uiel e fric
Cainc non uiſtes un rei meins auelic
Qui tan tenges a car uaſſal ardic
Jcel ior li pares en camp feric
Or fait li cons girarz ke fols e bric
Que chauauge uers carle ꝑ tal afic
uant la noit eſ paſſade quel ior pares
Lo cons girarz qui fun de gerre apres
E feſt de chaualers eſcales tres
E catre de ſiruenz e de borzes
E unt laiſſat lo bos e lo defes
E chaugent lo plan itant eſpes
Com chait pluige de cel gres leones
Que non es ora lance ſa par uades
E carles quan les uit cui que li pes
Era fait ſes eſcales e ſes conres
Apelet ſos baruns e ſos marques
Li caus firrat primers uannaz ſen es
Don eu co reſpont ote li campenes
E carles reſpondet moutes merces
Se deci pois eſtordre enor uos cres
Se iamais port corone ne ſie reis
Girarz fu duiz de gerre e dire pleins
E apela boſun qui nō ſen feins
Vos porprendrez la garde aſ lohereins
Eu ferai ma bataille e mos engeis
Bos monte en ſen chaual leſpade ceins
E ſunt o lui cin cens ob entreſeins
Qui unt oberz ſafraz e eſcuz peins
Autretant ni trames lo reis de reins
Ponz de breine gidet los primers reins
Eu uogre ml’t de carles queu nogeſt meīs
Vi quit girarz ris cons ke te grameins