Girart de Roussillon (Manuscrit d’Oxford) - 9
Fu demiſ arabiz lautre morais
Non at tan bon cheual deſ rome ad ais
El uaſſauſ eſt tan bonſ ren ne ſufrais
E lo matins ꝑclarſ e lo tenſ mais
Del ſolel reſplendiſt par els li rais
E lo cant des oiſaus e uit alpais
E ac de penſement ꝑdut lengrais
Daligrance e de ioi fez unes lais
Eu uai tres gonfanonſ diſt bertelais
Viaz franc cheualer paſſaz uimais
Folche dis bertran que men retrais
Sauenz cheualers por ſofrir fais
Anc nen uiſteſ mellorſ per toz aſais
E autre tant dagait el bruel de clais
E dez mile peuns co cuit e mais
Li paſſages eſ fierſ e ganz li plais
Si paſſent apres nos ganz ioiſ uoſ nais
E az lor ſi deu plaiſt ire e eſmais
E tolent lor langarde u furent meis
Virent les lor armar el ual eſpeis
Sunt uengut a folcon tot eſ de meis
A doble ſunt de uoſ co quen pareis
Bertranz diſ a folcon paſſez anceis
E menez ca dunzele troc au defeis
E parlaz ab aques de diioneis
Aiquelſ de roſſillon rendez marceis
Qui ſunt li cheualer tot e borieis
Qant uoſ auront ueu gant ioiſ lor creis
E ſerunt pluſ membrat ſi ators eis
Bien ſai uil nos tenront aciſt franceis
En noſ enchacerant lor ric corteis
E por oc nō unt gaires de cheuauſ freis
Car bien lon cors unt fait treſ orleneis
Gardaz niſſe lagais del bos eſpeis
Troſ cauiront mon corn par dueſ feis
Diiaz lor qe naucient gienſ toz les preis
Qua ꝑ ric piſoner plaidum ienceis
Folche paſſa lo gap e lo mareis
E lo plan tro au boſc u lagaiſ eis
Aiqui gardat alpaiſ droe e iofreis
Ou lagaiſ deſ donzelſ eſt deſcenduz
Anc a tau ioi ni fut maiſ om ueuz
Com ē folche quan fun entrels uenguz
Ai ſeigner conſ com tes tant contēguz
En ca loige priſun dum es eiſſuz
Marcez deu e alpais a cui ſui druz
Anc lai non peirai ne ma uertuz
Mais prenez tuit leſ armeſ e leſ eſcuz
E ſeit caſcunſ uaſſaus apercobuz
Vnſ tauſ eſcaz uoſ eſt apareuz
Dunt cil pluſ paubreſ ert toz éérobuz
Quo oudinſ el feu noſ ant tant parſeguz
Que paſſent dargancun gaz e paluz
Seignor pot eſtre uerſ euſ ai ueuz
Maiſ gardaz non ſeit faiz criſ ne remuz
Entroſ quaiaz dou moz don coinoguz
Poiſ iſat e firet deſ fers aguz
E gardaz nociaz les retenguz
Car par leſ preſ trait lon de gerre aluz
Rent marcez e ſaluz e les conuie
Franche gent natural bone e ardie
Qui por mei eſ uenguz tal conpaignie
Dex me dent far enquer qui bon uoſ ſie
Tote la genz por lui ſen eſbaudie
Segner conſ qui taduiz alpaiſ mamie
Qui ma trait de priſon e gari ui⁎e
Ele u eſt ? en cel boſ ſuz caiarrie
Grant onor fait a mei qui li mercie
Maiſ oudinſ noſ porſeut qua gent monie
E gardaz non facaz bruit ne ſaillie
Troſ cauirez la uoiz dun cor oie
Dunc iſſanz e prenez grant manantie
Que deie ſos mercez cai nos agie
Li ant aſſegurat cui communal
Lui nen faudrunt por rien deſtor cāpal
Aſ catre filz droun iſt del boſchal
Qui furent cheualer prou e leial
E chauaugent uers laige per un ual
E uirent dautre part la gent reial
E ſunt mil, cheualer par un coſtal
Bertranz lor ueidel paſ e le charral
E folche li mandat par ſeneſcal
Car neſ laiſſe paſſar ml’t fait gant mal
Tot li tout ſon gaaig diceſt iornal
Eu ce reſpont bertranz natendi al
E parlet a oudin ab aute uouz
Torne ten oudinſ conſ feraſ que prouz
E tun dan ſi ca treis del gap la dous
Car nos auonſ agait el bruel de ſouz
Ne uoſ prez diſ oudinſ mige une nouz
Anz uos deſconfirai e prendrai touz
Si folcheſ prenſ alpaiſ ce uoſ agence
Quinze citat en oſcle eſtre prouence
Li dera en uiane arle e ualence
Non ferai diſ oudinſ ia couenance
Entroſ uoſ aie preſ e toz uos uence
Dehar ait cheualers quob autre tence
E broque lo cheual ſail en argence
E qant bertranſ ſen uait lenchauz com̄ce
E poiſ tuit lautre apreſ cunſ nō reman
E bertranz lor laiſat le ga de plan
Oudinſ lai abatet un caſtellan
Trente en un abatu li premeran
Oudins criat bertran tuit eſſet uan
Voſ ſerez maiſ li lieure e noſ cum chan
Ne uoſ faura enchaus hui ne deman
Si non rendez folchon e la putan
V ſunt uoſtre uaſſau li ſeguran
Folcheſ lai ſapareſt en cabaucan
Voſ leſ uerreſ diſt ceſ ſempreſ apalman
Lo mellor el pluſ riſ deſ noſ coſins
Poſ tan preſ ce diſt folche eſt meſ ueiſins
Si maiſ ſe part de mei nō ſui eu gins
Cui alpaiſ dige maiſ druz ne amins
Vi mais ſonat lo corn bertrant cuſins
E cel ſi fet tan fort que lo refrins
Fait tentir la montaigne el bruel foins
En que iac en agait cinc anſ meſchins
Au cuntant de leiſir fut ganz huſtins
Deſ eſcuz e deſ lanceſ o fuz fraiſins
E gonfanonſ uermelz blanz e porprins
Ciſt porprennent les planſ e leſ chemīs
Hui maiſ ert li chiēs lebreſ e lebreſ chins
E la ielde reſail del bruel ſauzins
E gida les con odeſ e baudoins
Ciſt tendrant maiſ hui dan lor enemīs
E de gant coite e ſaiez e menbraz
El cheuauz ganz e forz e abrieuaz
E ſos cors fun ardiz entalentaz
E uai ferir oudin cui es iraz.
Tal li det en leſcut de ſoz lo braz
Quel deſtre ſor que chait leſ peceiaz
Poiſ na treſ abatuz torne uiuaz
E fez lo pres leuar daiqui o iaz
Atan es ſobres autres lo huz leuaz
Bertelais pres amon bertranz dalmaz
Celui cui fut nounſ e monſ claraz
Ni fu faite bataille ne cāſ remaz
Ca[tr]e contes ant pres non giſ palaz
E cinc cenz cheualerſ de pluſ preizaz
E les autres gari bois e plaſſaz
Leſ armeſ eſ cheuauſ lor unt laiſſaz
Aſſaz fut quiſ aſ preſ toz enſelaz
Hui maiſ ſen uont ſegur qui qeſ manaz
Dunt tote uoſtre genſ ont gant meſter
Ad mei erbergeret el compaigner
Tot ſeruent e bordeiſ e cheualer
E ſi auez trameſ e oc tres er
La nuit les erberiat li filz folcher
Qui lor fait de conduit hoſtal plener
En ſa garde ſunt tuit li priſoner
E fait alpais ſeruit a ſa muler
Lo diſnar al matin lor reprofer
Apres ſe fait de toz reregarder
Vant ſen a roſſillon ſenz deſtorber
Girarz uent contre lui ꝑ un canbon
Primes baiſat alpais e poiſ folcon
Segner eu lo uos rent par gaardon
Quel me doingnez a par e cōpaignon
Ꝑ mon cap diz girarz ml’t me ſat bon
E uoſ qual nauez faite deuiſion
E folche reſpondet ſenz aucheiſon
Li edat e otrei me le por ſon
E mandet la reine per droon
V li pleira que ſient li priſon
O en tor u en iai u en dunion
La reine quant lot reſpont que non
Face aſ bordeis garder caſcun lo ſon
Troſque prengent conſel de raencon
Atant folche deſcent fors au perron
De ſobre treſietat daren un tor
Folche receit alpais quama de cor
Dentres arcons doraz qui ſūt trifor
La reine laiſt ele e ſa ſor
Folcon baiſe alpaiſ qua lo peil ſor
En une cambre painte dazu e dor
Jntrent ad unes eſtres de uers la ſor
Paraulet des priſons e de lor for
E doudin lo manent qua grant treſor
La reine e ſa ſor berte e alpais
Cil furent en la cambre nen i ot mais
Girarz diſt a folcon diſ pres que fais
E folche li reſpont qant midon plais
Qui ta garit de mort e mi en trais
Bertelais paraulet e bertran tais
Anc en girart lo duc ne fun eſmais
Ne non uuel quel ſi ſie tres ere mais
Oudins at ſes largent daur ſos mil fais
E li autre derant bien tant e mais
E girarz de ioi cat li ris li cais
Car tu fus fiz folcher neis enneſtais
Mon german eſ parens bien (i retrai)s
E eu ſui recredens trop e maluais
Si par poor de gerre tal auer lais
Por un pau la reine que ne ſirais
Core que ſie gerre ci couent pais
V ia mais ne uerie paris ne ais
A quei metez midon en tal error
Non cai remanront conte ne conteor
Ne cheualer de preſ ni uauaſor
E girarz reſpondet par grant dolcor
Aiqui perdeu le ſen e la lugor
Com aurai contre li caſtel ne tor
E bertranz reſpondet em ſai la flor
Se midonne le uol e uos ſegnor
Que fiance enneiaz bone e felſor
Si poent concordar li uoſtre el lor
Cum facent paz del rei emperador
Deſ puis ni auerunt oſtage dor
E ſi non pount far nomaz lor ior
Con tornent en priſon en iſte tor
E ſil ne funt la paz les treges granz
Granz amors pot nuiſir dedinz ſet anz
Quel charais e defais qui moc de ſanz
De ma ſor ſe deu plaz aura enfanz
Voſ ſeiſirez honors quaureſ apanz
Coberez borgignons e alamanz
E folche de ſonor non ert uulganz
Moſ fis ert caualer proz e preiſanz
Qui fera ſi deu plaiſt de mes talanz
E noſ co reſpont folches ſos conmanz
E rei emperador de rome abanz
E puit non lert del reing nu cōtreſtāz
En es ſi com lo diſt fu fait ennanz
Atant annaz mangar ce diſt⁎ li manz
E mandent lo li cuc el maiſtre eſcanz
Li priſun el borgeis el cheualer
E girarz de bertrant fait parauler
Li duſ non at dauer tal deſier
Cum damor ſon ſegnor que uos requer
Qui eſſet li ſon drut el conſeller
Si li faites de lui e de lemperer
Ne requer deſ razun uaillant diner
Par midon uos oſtagent uolunter
Tres que aurat folche preſ ſa muller
E lo dus bon conſel e dreiturer
Quel non at giens de uoſ mal conſier
Que la reine alpaiſ preſ par le man
Premers apele oudin qui ſat german
Vai donne ta coiſine aqueſt toſan
Non me metrai en plait diſt el en uan
Car no moc ginſ ꝑ me ne non reman
Peza que fiſt de lui ſon caſtelan
E quil apreſt a faire le iug uiman
Folche diſt a conſel al capelan
Que leſ ſainſ li aport la flors a plan
E cil li aporteit ſor un fagan
Si deuſ maiut diſ el omnipotent
E icil ſaint qui ſunt ci aparuent
E tuit autre qui ſunt a deu ſiruent
An a alpaiſ aceſt que lun atent
Moſ corſ al ſon non iac tan carnalment
Par que honte i ogeſt ne ſei parent
Ne ioc ne faiſ a lei deſcouenent
La reine reſpont ben ou diſ gent
E eu la derai tei me trai garent
Donne multeſ merceſ de uoſ la prent
La leſpoſet lo conſ a tot ueent
De ſon cors danel daur e dargent
E det li oſcle tot ſun chaſement
E quan ia conquerret en ſon uiuent
Aquel ior adobet cheualers cent
Que caſcuns ac deſtrers e garniment
E qintane lor fait faire el prat narſent
Deſcu nue e doberc fort e luiſent
E coren i doncel cil de iouent
E unt por eſgardar cele autre gent
Qui ceſt plait a mogut gant mal eſcuel
Deſ caſtels ſunt au rei tui li caduel
E toteſ leſ citaz tro a mirguel
E girarz reſpondet eu que li tuel
Mais eu fera ben plan de tot ſeu uuel
La reine ot leſ moz ob eſ ſecuel
Laiſſaz odin aico poſ eu non uuel
Deſ que uerrai mon don le rei del uel
Sempreſ ſerai od lui tan bien cum ſuel
De cai torrem le plait en autre fuel
Nen ai ſoing que gabaz ſi eu men duel
E peſa li molt fort en ſa coraille
A la qintane ueit gant communaille
Cent donzel i unt fait qi colp qui faille
Anc negunſ ne falſet del oberc maille
Li conſ demande eſpeu e dreuſ li baille
Vn que portet artur de cornuaille
Ki ia fiſt en borgoinge une bataille
El cons brocet cheual qui del renc ſaille
Sil ferit en leſcut que tant en taille
Que paſſaſt en uolant oltre une caille
Loberc troc e trencez ſoz la uentaille
Non es uns cheualers quel melz ne uaille
Nainc uns od lui ne pot ſofrir trabaille
Pechiat al enpoindre e lautre eſrache
E tient ſi ſon eſpeu que fors len ſache
E dient ce li ſeu com ceſt len brache
Ainc ne preſt deſ gerre brebiz ne uache
Ainſ ſol ſos anemir tenir gant frache
Deſ corſ lor a del ſanc trait mainte eſclache
A grant tort lo trait richers lo trache
Tal ueniance lemant ſi amic fache
No li couen temer poter ne gache
E fu molt gent ueſtis e affublaz
Grant ac la forcheure bien fu cauchaz
E fu entres eſtranges el ſeus priuaz
Tan belz e couinenz e aceſmaz
Com entre auzelz menuz lo fauz mudaz
Atant lai eſt reimunz iambe aterraz
Qui li aduiz douſ clergeſ riuſ e letraz
Ꝑ quei li fut auerſ granſ preſentaz
E li conſ leſ coignut quiſ a baiſaz
E il li content noueſ de uerſ menlaz
Dunt molt ſeſt eſbaudiz e elegraz
E tornet entrel ſeuſ e diſ menbraz
Jo ne uuel de monor cōmen manaz
Que la ſeruirai bien ſi al rei plaz
E a dit a folcon cai aſcoltaz
Qual que uole ſi prenge la gerre o paz
E folche li reſpont aico chelaz
Don eu uien de uiane e dauignun
Com auirent de tei li borgignun
Que dex taueit trameſ en roſillun
Jſloc funt aſ franceiſ enuaiſun
Qui gardauent caduel de par carlon
Ja contreſ lor non argent unſ gariſon
En caſtel ne en tor ne en donion
Quant eu len ai aduicha grant tencon
Autretal de leum e de maſcon
E endecaſ uoſtre oncles ob edelon
Amenent leſ garders de beſencon
E girarz ſen ſuſris e diſt folcon
Vougre la fus oudinſ de par carlon
Seigner dis andicas noſ en uengut
Qui tauem deſirat molt e queſut
Anc puple ne uiſ maiſ tan iraſcut
Con le ton car tauent iſi perdut
Grant preſent taportem e gent ſalut
Vint mile mars dargent uoſ duic chanut
Donne uoſ leſ prendrez ſe dex maiut
Ja non auerai uaillent un abatut
Car meſ ſa bon ke dex ta erobut
E uoſtre cors qui ma folcon rendut
Ja non ſerem per ren mais confundut
Aſaz a ganz deintaz beiure e maniar
Mil ſolz len donet folcheſ a bon iuglar
E a tot cel peior en fait cent da*r
E giraz ſen eiſſit al ueſprar
Vne donzele uit le ſol poiar
A petite compaigne de gent afar
E demandat qui eſ qant lot nomar
Jambe terrat li cons uait lenbrachar
E deſcent deſ arconſ del mul liar
E menet en la cambre diſt a lintrar
Veiz conteſſe eniſt uiſ que ſolz amar
E ele de grant ioie la cort baiſar
Se dex maiut ſegnor ſe deis tu far
Car ſe laiſſet por nos deſiretar
Ere penſet de lui ben conſellar
Ne om qui ben lamet en lui ſeruis
Que ſegunt ſa ualor ne li meris
Donne reine auiaz que ceſte fis
Ele fu fille aucher de monbelis
En ſiual fut per mei de gerre ocis
Ceſte ſe uint od nos qant fui faidis
E laiſſa ſa contat e ſon pais
Entreſ qua un ermite u eu la mis
Bertran franz cheualerſ pren eniuis
Eu te derai lonor que tec ſegis
E grant rente de ſallonſ e ſallis
Moniuc e geneueiſ e monſenis
Segner dus ganz marces ke tan ben dis
Aiqui receit lonor e puiſ la pris
E acenet folcon de lautre part
Meſſagers meſ uenguz al ueſpre tart
Com reis oi parlar de brun berart
E de treis contes preſ e doudin cart
Tan gant irat por poi e dol nen art
E mandet cheualer de mente part
Li preſ ferunt de mei lor leonart
Que toudrai a caſcun de uoſ ſa part
Maiſ oudin uoſ lairai cui ſai gaignart
Qui non cogiſt lo rei par ſon mal art
Ja non aorez al ſi dex noſ gart
Funt toz leſ pres uenir de ſoz un pin
E lunt fait eſcheuir bertrāt meſchin
Vos iurerez iſ conte palain
A girart e folcon a ſun coſi⁎n
Caſcun tenir la trage u paz deſin
E cercherez de carle e de pepi⁎n
Si non podem del rei auer la fin
Que tenez en priſon en ceſt aiſi⁎n
Dedinz iſte clauſure de mur chaucin
A garent conte oudin e baldui⁎n
E de borgeiſ qui ſunt molt ſin amin
E cil li unt iurat tot en eiſſin
E demandent cheuauſ e puiſ chemin
E folcheſ reſpondet e preſ louin
[Q]uel traie de priſon e denconbrer
Mais uol quait ſon treſaur qel ſui gerrer
Folche demande u ſun reial garder
Tot tornerez ariere ſenz deſtorber
Voſ ſerunt deliurat mur e terter
Leſ caſtels e les tors tot uos profer
E cil reſpondent don non at meſter
Borgignun ſunt felun e auerſer
Car non auem ſiruent arbaleſteir
De cui naient fait moing u eſchacer
Si lai tor per ſegner ne per loger
Ja dex ne doinſt ueder fiz ne muiller
Girarz diſt a conſel ne eu ne quer
De taus ni a ploret cant ſen partit
Mais non uol ke li dux gaires la git
Faites co que uerrez per mon eſcrit
Ja donne ne ſera mot contredit
E li fu a treies qui ſomonit
A cheual e de peiz grant oſt cugit
Sobre girart lo duc ſi cum a dit
La reine ni fu tro negreſit
E intret en la ſale e ſeu nuirit
E li reiſ ſenbrunchet com il la uit
E fait li chaire irade e ele rit
Entret en la cambre a eſcherit
E deſpoillet ſos dras meillorſ ueſtit
Dune porpre ſubtil ca bone olor
Ele a blance la car e la color
Tant bele couinent cum rauſe a flor
E uait eſtar denant lemperador
Donne tornat mauez a ce ſoutror
Si maiut dex ſegner maiſ au ſobror
E mariat la fille de ta ſeror
De borgoigne ſunt ton caſtel e tor
Maiſ ni uoudrent tornar tel gardador
Aiſi ſunt en ta man tuit li ſegnor
Conte de mane lige e uauaſor
Porque laiſas oudin tot le meillor
Que auia en ma cort nient menor
Ꝑ contrailes quen diſt li fait poor
Prennez enuit reſpit troſ deman ior
Mandaz le bebe a uos ſaint ſauuador
E cerchent plait de duc a uoſtre onor
Eſi cum auiront tei iugeor
E il leſ apelet ſen co quel bais
Aſiſt lonc ſei damaz qui ou retrais
Anc de tan pres cum uos nen aui mais
Ne dauſelluns ab rei menuz en plais
E daumaz len iuret par ſaint geruais
Bertranz lo diſt oudin que lor agais
Eſteit el gal dargun el bruel de frais
E oudins denchauchar ſe fait trop gais
De cels de roiſſillon moc le relais
De quei force lor cret e non ſuffrais
Folche abatet oudin que braz li frais
Preſ lai eſt remaſuz co uol alpais
E te mande par noſ daiqui ou iais
Son treſaur te donra ſi daiquil trais
Lo treſaur uol eu ml’t e non ginſ pais
Car trop toſt mont mo guerre e peitais
Dolenſ ſui de girart ſonor li lais
Don ne deiſ maiſ de gerre menteuer
Tals dez mile moſters nas fait arder
Dunt ſunt fugit li monge e li prouer
Seu uuelſ a toi les contes maiſ retener
Jl te ſerurunt lonc tans por paz auer
Abanz diſt la reine uos di por uer
Queu les frai uenir a ſon plazer
E ſeruir ſe lui plaz de lor poder
Tot en fuſt paiz abanz ke fuſt lo ſer
Quant intrent cil quil ferent remaner
E ſunt ob ez uengut trente malfat
Siruent arbaleſter defigurat
Que caſcuns at le pie un puin trencat
O cap tondut en fol o oil crebat
Venunt deuant lo rei lait aceſmat
Segner por ten ſeruiſe em afolat
E qui uoſ at tan lait entreſeignat
Cel quiſ at uil tenguz e pauc donat
Quant ſorent de girart lo repeirat
De lui e de folcon la ueritat
Pauc noſ uaugrent caſtel ne fermetat
E li reis ſenclinet e ac penſat
Quel non at de grant piece un mot ſonat
Li bibeſ paraulet qua corſ ſena⁎t
Reiſ non fait bon parlar a tei irat
Car tu nos aſ ton cor en poeſtat
Qui te mēbre de rien que deu agrat
Conſeil couent ſegunt ta uoluntat
Par la paz te tendrieſ fort auntat
Maiſ en treieſ donar uenat uiltat
Car ſe tornent cil lai qui lan iurat
De cent mil marſ uaillent daur eſmerat
Serunt li conte ric e enforcat
E tun faiſ diſ lo reis ta uoluntat
Per que oudiſ e li meu ſient quitat
A ſet anz unt leſ tregeſ bien deuiſat
E pleuit et iurat e oſtagat
La reine feſt far breuſ a celat
E tremes la lo bibe e un abat
E li conte tot fant quanqua mandat
E poiſ torne caſcuns en ſiretat
E furent recobut a grant barnat
E auer cheual bon preſentat
E tot quanqom lor deit irunt donat
Quatre filz li conſ folche engenuis
E girarz en at deuſ dunt non ia uis
Car luns petiz mors e laltre ocis
Li p̃merainſ folcon⁎ac non teuris
La reine el tremes que li meſis
Ele pregaz lo rei quel lo tengis
E el ſi fes ab anz cil deſis
Qui filz eſt ne dunt uient de quel pais
La reine prent ceſ qua mel amat
Aico ſunt li meillor el pluſ preiat
E ſunt od li li bibe e li abat
Ꝑ acez a lo rei marcet criat
De ſon petit fillol deſiritat
Que il li rende daſcane lo duchat
De qui eſmouent dardane li contat
Car filz eſt de ta nice qui fu loat
Qui la trames a tei per ſiretat
Reine quantes fez maſ engignat
E reſpont li bibe li plus ſena[i]t
Abanz te quiert honor e fait buntat
Qui cerche paz cum ſie en ton regnat
E quant aſ ſainte gliſe tout ne robat
Jl la quant pot rendut e reſtaurat
Non pot li reiſ gechir tan unt pregat
Teuriet ſon fillol quant ſaura tant
Quel ſa porra tenir daiqui enant
A la reine uient un meſ celant
Que li diſ a conſeil per rei qui blant
Que ſa ſor a un fil molt bel enfant
Jl le fez aparer ben per ſemblant
Quanc maiſ de nule rien nac ioi tan grant
Au meſſage donet daur ſon peſant
E contet lo ſon fil en conſeillant
Marcet carlon diſ ele e deu enant
De trente mile eſcuz e dautretant
Creiſ ui la cort del rei maiſ por comant
Leu trouerem eſcuz ſe li reiſ uol
Quant co madonne diſ e el tot col
Qui la honor mon oncle a tort me tol
Trop parlatz diſt pepins od mei en fol
Sel reiſ rent ſa honor a ſon fillol
Ceſte li moc per maire et per aiol
Li paire nos colchet mige tan mol
Vn an nauez portat lo brace al col
Se midonne at ſon iai gant le degol
Car ſa ſor a un fil qui ce neit dol
Qui ma meire e eu ben lui e ſel uol
Ne conteſſe ki uaille maiſ ſa ſoror
Qui tant am deu e pables e ſon ſegnor
E uoſtre don li feſt tam grant honor
Qui li det de ſos ſaintes cele meillor
E cui moſtrat en terre pluſ grant amor
Ꝑ ſainte auiſion en un paſcor
El trameſ treiſ monges ab un prior
Quin paſſerunt la mar a grant paor
E la porterent del regne paianor
A uerzelai la loc el pui alcor
Puiſ li funt moneſter ſi ſeruitor
La ſainte magdaleine la ſue amie
E il prennent conrei cum fuſt ſeruie
La conteſſe tant lame e ſert e prie
Que deus i fait uertuz ganz en ſa uie
Vnſ ſerſ girart ſonget gant manantie
Meiſ li cons ne len creit de qan quil die
Treſ quel manues la uait qant ſe durmie
En mai la meriane ꝑ un ious die
Quinze cenz mile marz daur i auie
E tant dargent que cunte nunt ſauie
Que tote la girart cheualerie
En ſunt manent dauer ce repleuie
Merueilloſe e granz taus ne fu une
E len trais de clar ior non gienſ a lune
De las uieles arenes ſoz oſteune
E el leſ gardet ſi gins non aſgrune
Troſ la a roſſillon ſoz en la dune
Puis le depart li conſ e la comune
Non at bon cheualer de ſpaigne a rune
Qui nen age ſa part ſenz nule anfrune
La conteſſe le ſat qui ſen aiſine
Quin refeit bone part gent pauꝑine
E girarz les denierſ depart en emine
Vint mile mars trameſt daur la reine
Ele en donet tauſ mil caſcunſ lencline
E al rei la meitat per quei ſafine
E folche nol deit ginſ fil de roncine
Anc un de ces non at roncin parent
Ꝑ cen unt aioſtat un parlement
Que uoliunt cechar acordement
Maiſ odinſ le defait e ſei parent
E cil qui ſunt al duc pluſ mal uuellent
Girarz mandet pepin qui od lui uent
La reine el trameſt per rei conſent
E il len duit a rome a ben gant gent
E fant de lui tau ric coronement
Que maiſ denperador nouis tan gent
Romain lont retengut per couinent
Quil porterunt tot ſeignorement
E il garde lonor bien e defent
Quil auant a girart æ a folcon
Quaduient l’apoſtoile en lor reion
Por faire paz de lor e de carlon
Jl i uent uolentiers e ſat li bon
Car parenſ fu girart de par drogon
E carles en creet bien ſon ſermon
Maiſ oudinſ ne le uol ne li felun
Tot li parent teuri ne li baron
Nen ont cure de plait dacordeiſon
Ne negunſ ne ſe mut de ſa maiſon
Altre conſeil a pres li reis molt bon
Apreſ les at mandat per acheiſon
Por faire grant bataille al borgeignon
Donc ſe mouent franceiſ e li breton
E norman e flamenc e braibencon
La reine mandet a roſſilon
Girart quil ſen garnis cum par reiſon
Ꝑ det e ꝑ amor e per ſon don
Eu at trente millers ſenz les folcon
Qui ú naduiſt tauſ uint mile ki furent bon
En la riuere aual ſoz caſtellon
E per plan e per praz de roſſillon
Lai ſunt tendut li trat el pauillon
E li conſ lor a fait grant liuraiſon
Amainent le marchant de garniſon
i conſ iſſit parlar a ſon barnat
E cum les ot baiſat e merciat
E il li unt premierſ tot ſon agrat
Si montet el caſtel cor elegrat
Aſ eſtres del palaz ſunt apuiat
Li conſ eſgarde aual u ſunt li prat
E uit tant pauillon tendut e trat
E tant franc cheualer la herbergat
E darmes reluiſanz molt gant clartat
E gonfanun undeent li deſpleiat
Hui uauſ de roſſillon li loinſ el lat
Tant cheualer i ai ueu armat
Qui ſunt mort e finit e li fil nat
Genz uauſ cum hui uoſ uei enluminat
Autreſ treſaurſ ne preſ un micalat
Dex por que uol riſ om aſtar priuat
Nerbergar en ſon cor eſcarſeta⁎t
Car ꝑ uerguigne e prez e cobaitat
Bien a cors recredant de maluaiſtat
Qui ſe part ꝑ ſon grat del tabernat
Enuiz men partirai puis lai cobrat
A un petit ne mant fals coronat
Tot en fol conuertit e predicat
Lai uit uenir ſon fil qua molt amat
Blondet ueſtit bliaut nue de cendat
Non aiaiſ ke cinc anz enquet paſſa⁎t
Ainc ome ne uit tan bel de ſon eat
Tot ſemblant de girart del uis format
E pres lentres ſes braz e lat baiſat
A deus por quel ꝑdet ꝑ quau pechat
E tient ſon petit fil entre ſes braz
E iuret damlideu e ſas bontaz
Ja ne ſeras nul die deſiertaz
E qui monges deuent molt eſt maluaz
Eu aim molt cheualiers e ai amaz
E ferarai quant uiuerai lor uolentaz
E donrai uolunterſ car ai aſſaz
Trop me ſui longement humiliaz
Nen ert meſ ainemiſ per mei preiaz
Ainſ comfundrai glotonſ oltrecuidaz
Aico fu car tengut e recontaz
Per toz proz cheualers danzelz prezaz
E per ioi de ſon fil ſes alegraz
Mais el ne ſap le dol quen preſ lui aiaz
Que girarz molt auie a ſon fidel
Se ſers fu e ſeſchais de maint caſtel
Quant la paraule auui nō fu ginſ bel
Paor a de la gerre que renoue⁎l
Crient que li duſ en fol au rei reuel.
E pramet al ālfant dar un auzel
Preſ lo entre ſes braz ſos ſon mantel
E trait le en un uergier laz un ramel
E eſtent le li col cum un anguel
E trence li la gole ab un coltel
E ietet quan la mort en puiz perrel
E monte en ſon cheual uait ſent iſnel
E qant fu fors iſſuz ſoz un olmel
Sareſtet e gardet enuerſ le cel
E clamet ſe trachor felon fradel
A deuſ cum ai ui fait maluaiſ mazel
Pire ſui de chain quauciſt abel
Eu liurerai mon cors a mort per el
Vait deſcendre al palaz ſoz le cadel
Trobel duc en la cambre laz un fornel
Eſtendet li la ſpade per lo pumel
E contet li ſon duel e li eſpel
Por qua mort a ſes mans lo franc donzel
Quel conſ deuie au man en loſt mouer
Gui li eſtent leſpade per le tener
Fai cons de mei iuſtiſe a ton plazer
Car melz en uuel murir pendre u arder
Que face ceſte gerre mais remouer
Li con non put mudar enon deſeſper
Fui traces denant mei noſ puiſ ueder
Cil ſen uait ki ni oſe pluſ remaner
Son camberlenc apele don maneſer
Fai ca gent tote iſſer fors e taſer
La conteſſe la intre com por iazer
E uit lo duc irat e triſt e ner
Canquet laiqueſ aperceuer
Segner no que te ſols ſi contener
Donne done me un don que uoil auer
Eu totrei qant te plaz maiſ di me uer
Non ferai de ton fil dol aparer
El puiz pereil iaz morz fai le querer
E fai laual portar a un moſter
Ne pot ſes curſ ſuffrir ne ſoſtener
Vuelge u non la uen de dol cader
E li conſ len leuet fait la ſeder
Donne ne deiz iſ dol maiſ menteuer
Segner quant deuſ non uol no fil ſofrer
Noſ fazam ſe lui plaiſt de lui noſtre er
Melz ual od lui donar qua noſ tener
E dameldeus ten dunt force e lezer
Ki a ſa oſt laiſſade eſ praz erbuz
E eſt piuadement al duc uengu⁎z
E intret en la cambre eſ a ueuz
Segner cum ſi aſtaiſ eſ iraſcuz
Belz niez ſi cum dolenz e confunduz
E contat li cum leſt meſdeuenguz
E folche ſen ſeignat toz eſperduz
Si ciſ danz eſt en lom fores ſobuz
A toz tes anemiſ eſt ioi creguz
Toz iorſ eſ de teſ dans bien contenguz
E eure eſt de melz faire car es chanuz
De la reine teſt unſ breuſ uenguz
E auirem que diſt quant ert leſiguz
Cercherem cū ciſ plaz ert traiſ a luz
E pren lo par lo puig fores len duz
El baizet ſa muller de ſon dol muz
Por deu laiſſaz eſtar toz ceſt coroz
Tant aſ ꝑduz amiſ rix e neboz
Qanc tant nen ꝑdet om ne de ſi proz
Eu pregerai a deu quange ma uoz
Que te donſt paz del rei e de ſeu toz
E li conſ part de li aquez moz
E ele feſt ſon fil traire del poz
E portat au moſter clegeſ a croz
E miſt le el pauement al cuer deſoz
E intrerent andui al folcon trat
E trobent lo meſſage qui lor ad dat
Lo breu de la reine e ſaludat
E folche li a lit e recontat
Eſi com diſt iſ breus tant unt mandat
Ti anemic de gent e amaſſat
Vint mile cheualer ſun aeſmat
Deman ſerunt aſ trez tot aioſtat
E remande midon ta uoluntat
Lapoſtoles parlet qui lia agrat
Ꝑ caient tort uerſ mos li plus irat
Dirai uos diſt girarz que ai penſat
Treiz abeies faire tot ꝑ mon grat
De meſ cuiteſ aloſ per parentat
E eu diſt folche ſet de meritat
Enaiſi lun eſcrit e ſeelat
E donent al meſſage qant preſ comiat
Que de lor ſupleget e ſot bon grat
Par matin ſunt par loſt graiſle ſonat
E cheuaugent garnit a gant marchat
Aſ praz deſoz caſtel ſunt herberiat
E li reial aſ treis fors la citat
Lon ſaine la ribere tendut lor trat
Set mile en ſunt eſlit ſenz re comiat
Orguelloz bobencer outrecuidat
E uunt a loſt girart mal conſirat
Ne ſai quant nunt ocis e pluſ nafrat
E ciſ ſunt eſtormit e airat
E enchaucent a fort qant ſunt montat
Granz efors prent iuſtize e paiſ lo prat
Tant creiſſent li girart qelz unt ſobrat
E toz a eſforz miſ en la citat
Lo reiſ ſen fu eiſſiz cui a peſat
Quel ſeu lunt comencat nō ꝑ ſon grat
E ac oſberc ueſtit elme lacat
Quidet les catener maiſ ni a at
Baiuer e alemant lunt encontrat
E ſon cheual auciſ e lui mena⁎t
Se folche ni uengeſt mal fuiſſent nat
Mil le ſegent apreſ ꝑ le cambon
Folche deſcent a pie ioſte carlon
E preſentet baucan la barzelon
Met lo pie en leſtreu e prent larcon
E folche tent lo deſtre el coreion
E menet lo daiqui a gariſon
E girarz fait uenir ſon pauillon
E la gelde qui maine la garniſon
Aico eſt a darere quel conſ aioſt
E nō eſt gienſ aiquele qui raube eſcroſt
Quel duſ a comandat qual rein nō coſt
Maiſ par fuerre a cheuauſ herbe lābroſt
Quaſaz meinent uiande uin clar e moſt
Li reiſ fu retenguz qui folche eſcoſt
Ja maiſ de tel paor zarleſ ne goſt
Ki manent le conduihc od les caretes
E uunt cornant lor cors e tuteletes
Bertelaiſ diſt girarz lon laige eſmetes
Segner ce uolent tuit que lor prametes
Que no⁎te ſeruom maiſ ſe reiſ noſ getes
E lui e ſeſ folons nos deſiretes
Lainz ſunt de uiande leſ genſ deſtreites
Jamais ne ſies proz ſer ne teſpleites
Leiauſ genz diſt girarz e bien adreites
De deu ſeiaz ſeignat e beneietes
Par ce que cū meſfait li fols iouenz
Ni ac morſ e nafraz e de ſanglenz
E de preſ retenguz tro a ſet cenz
E erbergent en lor herbergemenz
Qui ſe peiſt diſt giraz em ſui ioienz
Quere uei ahuntaz meſ mal uoillenz
Ganz ualorſ baiſſe orguel cū pluie uenz
Poſ ſiſ auem enclauſ toz cum iumenz
Qualque plait emaiſ lor face aſſaz mer gēz
Eſ lor treſtoz intrar cum non pareſc
Eu ſerai diſt li duſ en iſ plan ſeſc
Bertelaiſ ot la glace per ce mareſc
E de cai ſobre deſtre noſtre teſc
Atant folche lai uen ꝑ lo calmeſc
E deſcendet a pie del brun moreſc
Trait girart a conſel crient ce foleſc
E demandet girart don que uol faire
Meſ felonſ anemiſ de lainz traire
Tot ior ſolum de gerre bruir ebaire
Hui ſunt de lor orguel chaut li caire
Ere garde catei maiunt repaire
Car deuſ eſt uertaders e dreiz iuiaire
E at uerſ nos eſtat eſ pres uengaire
Li reis eſt noſtre ſendre e mi compaire
El reine nos eſt en lui de maire
E ſi de li te menbre dreiz eſt que paire
E girarz de boſon preſ a retraire
Quanc ne fu ne non ert tauſ gerreare
E uoſ bonſ maiſ que trop eſ predicaire
Que non mourei anuit por ca dent traire
E le matin ferai tot ton uiaire
E tot quant ia uourat n͞r͞e emperaire
Laſſe li diſt bertranz ſon talent faire
Molt li ſat bon al cor car ſen eſclaire
Le matin diſt girarz ſerunt trames
Eu nai un diſt bertranz ugon de bles
Mais ne cuit en nul leuc mellor frances
E conſellers au rei li plus cortes
Denant lo fai uenir e el si fes
Segner uge diſt folche ſeiaz nos mes
E donrai uos ſempreres iceſt mores
Diiaz al rei por deu que trop nel pes
Toz li rendrem leſ ſeus ſe morſ nō es
E leſ autreſ aurez por caſcun tres
E de tot quā quaue uerſ lui meſpres
Noſ metre ſe lui plaz en ſas marces
E met i de ta part cel ki melz ſes
Huge lai eſ annaz u fun li reis
E contet li les moz per aiqui es
E ſon trop ganz orguelz que ta genz fes
Quiſ annet aſaillir en fol en ſes
Per quei fu comenchaz li mal deſres
Anc li conte ne uirent ren tant lor pes
Eu dic uos de ma part ſi maiut fes
Cons qui rei rent doit bien trobar marces
Coment queu ſui aſſiz e face plait
Ja puiſ iheſus de mei merci nen ait
Ere cuide girarz per co meſmait
Non me gardaue ginſ de ceſt agait
Altre engien li couent a que maſait
E huge renunzet ce che eſ fait
Matin ſunt en lor terre arer retrait
Eſ praz de ſoz iſlel le caſtel frait
E deliurent leſ prez toz qui ques ait
Vnſ ni perdet auer cun no li pait
Car le ſeir moc de ſanz a la freidor
Traiſ carlon dentre ſeus un pauc upor
Reiſ ne creire conſel gerreiador
Orguelloz bobencer ne befador
Car ci nen ant meſter lauſengador
Eu ten coniur de deu le redemptor
Quen dies ten corage tot celador
Qul dus ne te put faire pluſ gant honor
Que de ton fil pepin emperador
E lo reis reſpondet en deu amor
En cerrai ton conſel cū mon doctor
Maiſ ne uuelent la fin tot ciſt pluſſor
Ennoſ pregerem deu que hui labor
Li papes mande al duc qua ſon ſeignor
Vienge cum cil qui paz quert e amor
E a folcon cui menbre de ſa ualor
E folche en det conſel qual ſat genſor
El reiſ iſt fors aſ praz u ſaine cor
La ſunt mandat li conte e li contor
Li prince e li domeine el pluſ loinnor
Ne ſunt ginſ oblidat bon uauaſor
Li bibeſ del moſter ſaint ſaluador
A fait un caldefalt al pape alzor
E quant el i montet e ganz laicor
E tinent lo por ſage parleor
E el parlet ben aut e de uigor
Eſcoltaz mei diſ el grant e menor
Noſ em de ſainte gliſe li drez paſtor
Dunt deuſ fiſt de ſaint pirre ſon iuiador
Maiſ iſte gerre lait miſ en error
Gerrer e male genz e robeor
Leſ unt arſeſ a fuc e a calor
Quen ſunt li monge ſanz e li prior
E lordres deu tornaſ a deſonor
E paubre genz at miſe en gant dolor
E de toz creſtianz auciſ la flor
Dunt ſunt tornat li loc ric en ſotror
E li publeſ menuz en cride plor
E eu uos ai a dar conſel meillor
De par deu uos comāt uoſtre faitor
Ꝑ ſainte penitence qui uos ſocor
Qui done la mecine a pechador
Oſtaz uoſ tot de gerre e de gramor
De uiel ire e dorguel e de feror
E toz uos cors denuie e de felor
E tornaz les en pas aen dolcor
Enluminaz de clar le tenebror
E ferez uoſ profit e deu honor
E arunt i grant prou uoſtre anceſſor
Car om ne put morir en ueil iror
Nol couenge de larme auer poor
Vil tienent tals i a preecador
Quanc nen amerent paz ne ioc doſtor
V ant tant oſtagat alor de tor
Que iamaiſ nen ſerunt cuite feſſor
Li papeſ ſent cum furent gabador
E torna ſe uerſ lai e diſ a lor
Vos cai uengiz por gerre e por folor
E li conte por paz e por amor
E per oc ſun ben ric e doneor
Ja ne ſe facent ſi cointe uaintador
Ne danzel galauber per uaidor
Quan damledeu men fi le creator
Quancui uerra orguel iazer ſotror
E ſainte humilitat tote ſobror
Blanche reſplendiſſant dune color
Ja contre li naurez caſtel ne tor
A toz uoſ mande folche el conſ girarz
De lor auer derant cargaz uint charz
Ꝑ moſtres reſtaurar qui furent arz
E dalos quites franz quant de lor parz
Ferunt uint abies ꝑ nos eſgarz
Ꝑ leſ armeſ deſ paires quogiſteſ charz
Qui furent mort a glaiues e a darz
Aceſt plait deit cerchar li plus gaillarz
reu ſermon uos ferai de ueritat
Dirai uos que deus fait en mageſtat
Orguel beſſe e caten humilitat
Atant uirent les contes uenir ꝑ prat
E furent mil de loing e cent de lat
Baron conte e contor e riu chaſat
E uienent tot a pie e deſcalcat
Cum furent pres de lor ſūt tot reſtat
Folche e girarz denant lor cap celat
Jl ſunt andoi p̃miers au rei annat
Girarz li rent ſeſpade ꝑ pum daurat
E puiſ li a ſon cors al pie plaſſat
Li franc noble baron ont pietat
E felon orguelloz en ſunt irat
E per oc non i a un tant oſat
Qui lai deſiſt orguel ne eſtragat
E li reiſ len [leu]et qui la baiſat
E puiſ apres folcon quil ſat ſenat
E fant li omenages e feeltat
El reiſ lor rent lor feus en iretat
Apreſ ſe ſunt premiers humiliat
Vers le teuri de ſcane parentat
Senz mal engant lor funt lor uolūtat
E homenages tant cum lor fu en grat
E l[apoſtoil]es a treſtot deuiſat
Per nom de penitance e comandat
Que les mans e les braz un tot leuat
Par nom de paz tener e dacordat
Altre mot aichelz ad deueat
E toz partiz da deu e deſeurat
Per cui ſera ia mais renouelat
Enquer reis ſe tu uuelz ſeraſ bien ſaus
Carleſ martels teſ aiueſ feſt ml’t ganz maus
E tu de ton uiuent fuſ altre taus
Per quogiſ nō martels cis nunſ fu faus
Er deiz maiſ nō auer carles li caus
Or eſ ris de barons e damiſ claus
Or aime deu e paz e pren repaus
E lo reiſ lo fait bien quin creit ſon laus
E feſt puis ne ſai qanz moſtes reiaus
Non ert maiſ diſte gerre baſtiz agach
Ni cheualers feruz ni eſcuz fraich
Vil en ſerunt tengut qin ont mal trach
Maiſ en ſerunt amat li duc de plach
Ja ꝑ aico diſt folche un non ſemach
Prou mangar e ueſtir ſe melz neſ pach
Lor donrai uolentiers e de gant grach
Ere prennent conſeil cum caſcun don
E li conte el demaine el ric baron
A pabres cheualers lor gariſon
E ques amenaz toz a moſtreiſon
Si cum fu eſtablit en la reion
Por defendre lonor, ſon la ſemon
E ſi at ric auar a cor felon
Ki ne uuelle ſoffrir conduit ne don
Vn li toille lonor e dunſt la bon
Car treſſaurs eſtoiaz ne uaut charbon
A toz lo dic barun qui es manent
Amaz melz cheualers quaur ne argent
E tenez an ſegunt ſon chaſement
Que caſcun ac de mei qui uit qui cent
Qui tant qui pluſ qui mainſ ſun co qe tē̄t
Ki ſoffrir ne porat eu li ement
E donrai uolenters del men ſouent
E auizaç les toz a moſtrement
Que caſcuns ait cheual e garniment
Ne uos truiſ deſgarniſ paiane gent
Que reames que uaut qui ne defent
E qui ſen feindra a ſon uiuent
Li toudrai ſa honor per iugement
E donrai la meillor e mei garent
E li conte lotreient tot enſement
Jſſi unt affermat aiceſt couent
Que fait en unt fianceſ e ſeugrement
Daqui ſunt departies la grande gent
Li reis retient les contes priuadement
E maine les od ſei del parlement
A reins u la reine toz les atent
Quis receit a gant ioie halegrement
E li reiſ per folcon a ſon fil rent
Daſcane le ducat qui li apent
A girart uoldrent dar molt gēt p̃ſent
Maiſ li dus nen a ſoing ne pluſ nē prent
Si non falcon uolent u chien corent
De la conteſſe ſai que deu ſert gient
E el li fait miracles aparuent