Iconologie (Cesare Ripa, 1643)/I/Preuoyance

Cesare Ripa

Iconologie où les principales choses qui peuvent tomber dans la pensée touchant les Vices et les Vertus sont représentées sous diverses figures

Traduction par Jean Baudoin.
1643 (p. 160-164).

Prevoyance. CXXXV.

CEtte Femme à deux teſtes, qui porte vn Compas en vne main, & en l’autre l’oyſeau qu’on appelle Eſmerillon, eſt le vray ſymbole de la Preuoyance.

Ses deux teſtes nous apprennent, Que la connoiſſance du paſſé ſert grandement à preuoir l’aduenir. Auſſi n’y a-t’il celuy qui ne ſçache, Que l’experience fait les hommes prudens, & par conſequent capables à peu prés d’aller au deuant des malheurs qui les menacent ; Car preuoir & preuenir vn mal, ſont des effets conuenables à la Prudence. C’eſt à raiſon de cela qu’on eſtime vtile à la vie humaine la connoiſſance de pluſieurs hiſtoires, & des ſuccez les plus memorables aduenus de long-temps ; pource qu’elle produit en nous cette force de Prudence, qui eſt requiſe pour iuger des choſes à venir ; A quoy nous ne pourrions pretendre autrement, à moins que d’eſtre deceus & blaſmez d’vne curioſité ridicule.

Le Compas ouuert monſtre, Que pour preuoir les Euenemens, il faut ſçauoir meſurer les qualitez, & l’ordre des temps auec vn eſprit iudicieux, & vn ſolide raiſonnement.