Iconologie (Cesare Ripa, 1643)/I/Paix

La bibliothèque libre.
Aller à : navigation, rechercher

Ripa - Iconologie - 1643 - p. 138 - paix.jpg

Paix. CXV.


ELle nous eſt repreſentée par vne Femme agreable, qui ſur la teſte vne Guirlande d’Oliuier, en la main gauche vne Corne d’Abondance, & des Eſpics en la droite. La troiſieſme eſt celle de Veſpaſien, où elle ſe fait remarquer par vn Caducée, & par vne Corne d’Abondance.

La quatrieſme eſt celle de Titus, qui la repreſente en Femme guerriere, tenant d’vne main vne Palme, pour recompenſer les vertueux ; Et de l’autre une Hache d’armes, pour en punir les coupables ; Auſſi eſt-il vray que l’Eſperance & la Crainte ſont les deux choſes du monde qui peuuent le mieux eſtablir la Paix, & la conſeruer parmy les hommes.

La cinquieſme eſt celle de Sergius Galba, où elle ſe void aſſiſe en vn thrône, pour vne marque de ſa tranquillité merueilleuſe ; & appuyée ſur vne maſſuë, apres s’en eſtre ſeruie comme Hercule à punir l’audace des meſchans, qui ne ſemblent eſtre nez que pour troubler le repos des gens de bien.

La ſixieſme eſt celle de Claudius, repreſentant vne Femme qui s’appuye ſur vn Caducée, enueloppé d’vn effroyable Serpent, & qui ſe couure les yeux de l’autre main, pour ne luy voir point reſpandre ſon venin ; Où il eſt à remarquer, qu’on luy donne icy fort à propos le Caducée, ainſi dit du verbe Latin, cadere, qui ſignifie tomber, d’autant que cette enſeigne de Paix ne paroiſſoit pas pluſtoſt, qu’elle abatoit toutes ſortes de diſcordes & de diuiſions, de quelque nature qu’elles fuſſent ; Que ſi elles ſe voile les yeux, c’eſt pour monſtrer que la Guerre, qui eſt figurée par le Serpent, a des objets ſi tragiques, qu’ils font horreur la pluſpart du temps à quiconque, les ſçait bien conſiderer : ce qui fait que le plus illuſtre de tous les Poëtes s’eſcrie à bon droit, Æneid. I.

Vien nous donner ſur la terre
La Paix que nous demandons,
S’il est vray que de la Guerre
Rien de bon nous n'attendons.