Iconologie (Cesare Ripa, 1643)/I/Eſgalité
Apparence
Esgalité. XLVIII.
Lle eſt figurée par vne Femme de moyen aage,
tenant vne Balance de la main droite, & de la
gauche le nid d’vne Arondelle, qui donne à manger
à ſes petits.
L’explication de cette Figure eſt aſſez facile, ce me ſemble ; n’y ayant celuy qui ne ſçache, que la Balance a touſiours eſté le vray Symbole de la Iuſtice, le propre de laquelle eſt de peſer equitablement les actions de tout le monde, & de rendre à chacun ce qui luy appartient.
Le meſme nous eſt ſignifié par l’Arondelle, que les Egyptiens ont priſe pour vn vray Pere de Famille, qui partage également ſon bien à ſes enfans ; A l’imitation de cét Oyſeau charitable, qui fait égale la portion de ſes petits, & qui n’oſte iamais rien à l’vn, pour le donner à l’autre.