Je suis desja d'amour tanné

Charles d’Orléans

Je suis desja d'amour tanné

Texte établi par Aimé Louis Champollion-Figeac, préfacier, J. Belin-Leprieur et Colomb de Batines, 1842 (p. 479).

II.

Je suis desja d’amours tanné,
Ma très doulce Valentinée,
Car pour moy fustes trop tost née
Et moy pour vous fu trop tar né.

Dieu lui pardoint, qui estrené
M’a de vous pour toute l’année :
Je suis desja d’amours tanné,
Ma très douce Valentinée.

Bien m’estoye souspeçonné
Qu’auroye telle destinée,
Ains que passast ceste journée
Combien qu’Amours l’eust ordonné :
Je suis desja d’amours tanné.