◄ Laisse CCCCXLII | Laisse CCCCXLIII | Laisse CCCCXLIV ► |
CCCCXLIII[1]
Ferir sor Saracins : n’i a cil que l’atande,
Tant par soit bien armez, q’en le vif ne li ofande.
La venjance Gerarz au bien firir demande ;
Cui il consuet un colp, a l’eror qe l’engrande,
Jamés ne mangera de pains ne de viande.
Qi donc veïst Rollant com lor done marande.
E cars et hos detrence com faus erbe de lande ;
Quant un sol colp li faut, au segunt bien l’amande ;
Homes et chevaus thue, ne les maine por blande.
Quant Filidés le voit doner tel oferande,
Ja n’i atendroit plus par l’or de Moriande.
Par devant a la porte de la maistre mirande
Desmonta dou cheval e dist : « Ceschuns desande,
S’il ne veult estre pris et François ne le pande. »