◄ Laisse CCCXL | Laisse CCCXLI | Laisse CCCXLII ► |
CCCXLI[1]
Au triés le roi lavent e vunt seoir
Li rois, li duch, li queins de aut manoir.
Ci metrai fin dou mançer e dou boir :
D’autres paroles m’acovient mantavoir
De plu profit e de grignor savoir.
En la cité, aprés super, la soir
Funt Serasin conseil e capitoir,
Rois Baligans, Maugeris e son hoir
E les barons che furent plus a croir.
En une çanbre, ou fu tot paint al voir
Comant Greçois irent por Troie ardoir,
La vunt Paiens tel parole a movoir
Cun s’acovient a cil c’ont grant espoir
De lor nemi confondre e decevoir.