| ◄ Laisse CCCXLV | Laisse CCCXLVI | Laisse CCCXLVII ► |
CCCXLVI[1]
Balegant parle e dist : « Oiez, signor.
« Roi Carion soit li primer honor :
« Lui e ses homes s’en istrunt a l’aubor.
« Mais je n’entant che graile ni tanbor
« I soit soneç, tant che l’emperaor
« Istra des lices cum sa orïeflor.
« A une part dou camp seront cestor,
« E la segonde renge un pou plu desor :
« Cele condue Turquins e Sinador.
« Aragoneis seront aveche lor
« E Darïens e Valestranior,
« Troi mil archiers e doe mil ferior.
« Grace lor doint le Roi superior
« Ch’il s’en tornent demain a grant honor.