| ◄ Laisse CCLIV | Laisse CCLV | Laisse CCLVI ► |
CCLV[1]
Le latiner s’an veit, qui mont fu sage ;
Bien fu apris de l’Espagnois lengage.
Droit a la porte s’an vient a grant corsage ;
Desor i vit maint Sarrazins Aufage.
Il lor escrie : « Ovrés, je soi mesage
« De par Carlons et dou Franchois barnage
« E de Ysoré, que nos avons en gage :
« Envoiés m’ont eu rois, vos avoage ;
« N’i aport mie chose de son domage,
« Mais de profit, s’il leisse le foulage. »
Dist le porter : « Ne le tenés outrage ;
« Ou roi irai a qui feisons homage.
« S’il le comande, ne vos er pués sovage :
« Ovrirons vos aprés de bon corage. »