◄ Laisse DCLXI | Laisse DCLXII | Laisse DCLXIII ► |
DCLXII[1]
« Ignorans et engrés vos voi en cist maitin,
« Quant vos non conoissés le miracle divin
« Que vos a demostriés li Sir qi est senz fin.
« Ier sor trovastes fruit de Paradis terin
« Qi vos dona sabor de pan e carn e vin,
« E, por vos regarder de cescuns mal destin,
« Avistes entre vos un angle kerubin
« En l’emagie de moi : j’en sai bien le convin.
« Anueit ne vos fui mie a une liege voisin. »
Lor dist lor de l’ermite le dit e le dotrin,
Mais ne lor cunta mie de sa mort le termin.
Trestoit la autre afere lor dit le Palatin.
Tant vont por cele stree, si cun escrist Trepin,
Que dou chemin sant Jaches sunt entrés en seisin
Rolant mostre a Sanson le host dou fil Pepin ;
Lor repouser descendrent a l’onbre d’un sapin.