| ◄ Laisse DCXVII | Laisse DCXVIII | Laisse DCXIX ► |
DCXVIII[1]
Un senter ancïen, foilus, d’erbe covert
Vit Rolant a senestre, a l’entrer dou desert :
E lu e son cheval s’i mis a vis apert.
Li troi le seguirent, qi a lui sunt oufert :
A bandon se sont mis, ja nul ne s’en espert.
E Rolant les conforte, qi dit : « Por sant Erbert,
« De trover les ost Charles croi le chemins overt. »
Mais ancoi troverunt, si con le livre afert,
Qui lor feront paor avant qe nul s’aobert ;
N’avront si aut coraje q’i ne s’an desahert,
Con vos porois entandre, se li chant oïs ert.