| ◄ Laisse DLXVIII | Laisse DLXIX | Laisse DLXX ► |
DLXIX[1]
Cant Soudan ot feni, tot sun consail fu quoi.
Primer perla da Amain le rices roi.
Clazich ot non, molt fu saje in sa loi,
Mais une teze grant avoit il in soi,
Que por envie sorperloit mainte foi.
« Sire », fait il, « ge ne vous desoutroi
« Geherdons randre, qui a pris le por quoi,
« Mais non devés, char ce seroit fouloi,
« Bons destrers randre por zaitis palefroi.
« Cist home estrainge, que preu e sage croi,
« Se rices estes, il asés pobres voi.
« Donés li tant et d’argent et d’orfroi
« Que retorner, chun joie et cun benoi,
« S’en poise arer en sun regne Espanoi. »
Lors s’est asis desor un paille bloi.