L’entrée d’Espagne/Laisse DXIX

La bibliothèque libre.
Sauter à la navigation Sauter à la recherche
◄   Laisse DXVIII Laisse DXIX Laisse DXX   ►
DXIX[1]

Quant Soldan s’est asis, en estant se leva
Pelias, qi estoit niés Malqidant, e dit a :
12015« Machomet ce ne dong, q’en loi nos estora,
« Qe honi soit mon oncle por teil gient con voi ca.
« Entendés, roi de Perse, que une feme chaca
« Adan dou Paradis, quant il por li peca.
« Quant le plus sage home c’onque fu ni sera
12020« As dis de une fame engigner se leisa,
« Dun n’est il mereveille se fames engigna
« Lot e Sanson le fort, que une bestosa ;
« Davi e Salomon en lor croir araja.
« De l’ome ne vos di que il bien encontra ;
12025« Je di que tut le mal qu’avient ni avenra,
« La feme en est chief, e ja coupe n’i a ;
« Mais qui lor done oÿe, chier le comperera.
« Por la file le roi le di, que je voi ja
« Qu’est ouvre e comencere d’un mal que devira.
12030« Dehé ait de ma part qi ja l’an blasmera.
234 b« Ele feit ce que doit, e qant autre fera,
« Li seigles ert finis, plus jor non durera.
« Neporqant, se je puis, le non s’en vantera,
« Car maintenant ert arse, son per l’outroiera,
12035« Ne pués le roi, mon oncle, plus nel desamera,
« E no ert mute gere e nus home en mora.

« Prover veul por batalie a chi m’en desdira
« Qe ele est digne de mort e deservie l’a :
« Qi comuet omicide, mort soit, dit Seneca.
12040« Responde moi qi veult, qe ci me trovera. »
Tot irei s’est asis, e Rolant ariva.


◄   Laisse DXVIII Laisse DXIX Laisse DXX   ►
  1. — 12014 P. qi estoitit — 12015 estoia — 12016 porte il g. ꝯuoica — 12021 merueille — 12022 Lõt — 12024 De elome — 12027 hoye — 12028 ie uoie ia — 12036 e mis home. — 12037 Puer, mẽ defoira — 12038 morte e deseruienla — 12040 Respondet, uelut