L’entrée d’Espagne/Laisse LVI

La bibliothèque libre.
◄   Laisse LV Laisse LVI Laisse LVII   ►
LVI[1]

Grant duel orent François por Ogier le baron
Qe Feragu en a mandez en sa preson.
Avant qel sevisent ni Rollant ni Carlon
Por la venjance prendre esperona Hoton :
1175Frere fu Berenger, des .xii. compagnon ;
Outre le pont l’en porte le bon destrer varon.
Feragu, quant le voit, si retient l’Aragon ;
En la senestre mains a tornez son baston.
Hotes de son espié li fiert de gran randon :
1180De cuer quit fu li escus, ploisor dobles li en son,
Ne li puet enpirer valant un esperon ;
Une toise de l’aste en vole contremon.
Le destrer s’aresta dou Carles canpion

Par delez Feragu, o q’il veille o q’il non,
118523 aCar cun l’autre cheval veult comencer tençon.
Le Paien l’a seisis par l’obers flameron
Ensi legeramant lou treist for de l’arçon
Con feit mere de bangn son petit enfançon ;
A Paiens le comande, qe li sont environ.
1190Cels le desarmerent, menaçant le baron ;
Apres le bon Dainos l’envoient en preson.
Li frere quant le voit ne li fu mie bon.


◄   Laisse LV Laisse LVI Laisse LVII   ►
  1. — 1173 n carllon — 1174 predre — 1175 bereger — 1180 licuson — 1181 speron — 1182 coise — 1183 sareste. — 1184 neille o qi non — 1186 sœisis — 1187 lon ; de manque — 1189 Après sont le premier scribe a laissé la fin du vers en blanc ; une main postérieure a écrit meneç in preson, ce qui est sûrement fautif ; nous suppléons environ qui s’impose