L’entrée d’Espagne/Laisse XCVII

La bibliothèque libre.
Sauter à la navigation Sauter à la recherche
◄   Laisse XCVI Laisse XCVII Laisse XCVIII   ►
XCVII[1]

Ech vos Reliant a tere desendu,
L’espee traite, s’anbraça son escu.

A grant mervoile l’a gardé Feragu,
2265Par ce s’areste q’il ne l’avoit feru,
45 aCar molt mervoile de ce q’il a veü ;
Lors se quida do tot avoir vencu.
« Dam glot », fit il, « vos estes recreü ;
« Mien esiant, j’en sui aperceü ;
2270« En queil escoile avois lit n’entendu.
« Che chevaliers perdist par l’abatu ?
« Anchué verois Oliver vostre dru.
— Voir », dist le duc, « a tote sa salu. »
Alors brandist le bon brand amolu ;
2275En la venue do Paiens est coru,
Mais lo penser de ferir est perdu,
Che le Paiens l’a primain conseü,
Sor le baron a son fust enbatu
De molt grant force e de roiste vertu.
2280S’adonc l’eüst par mié l’hiaume feru,
Jamais n’avroit ne mangé ne beü.
Mais le vasal, quant voit q’il ne puet plu,
En mie sa targe a le colp receü.
La borcle a freite e le cantel ronpu ;
2285Les trois balotes, dunt avois entendu,
Paserent outre dejoste l’hiaume agu,
D’une tot seule le ber toché n’en fu,
Neporquant est an jenoilon cheü ;
Mais ne fu mie de drecer esperdu.
2290Al relever li a son colp rendu,
Par desor l’anche fausa l’obers menu,
Le ganbaus trenche, qe fu d’un chier velu,
Trosqu’en la carn li a mis le brand nu.
Quant fers est mielz e tremprez e batu,

2295Si dur non est com est la cars celu ;
Quant le bon brand ne l’empire un festu,
Soz ciel n’a arme que l’eüst ofendu.
45 bDe ce n’est anch dam Rollant aveü,
Anç done un saut devers un poi erbu.
2300Carles le garde, paoros e irescu.
« Diex ! », dist le roi, « mon neveu ai perdu. »
Lors li faut l’ame ; ja chaïst estendu,
Quant Naymes l’a en si bras retenu.


◄   Laisse XCVI Laisse XCVII Laisse XCVIII   ►
  1. — 2262 Hch. — 2269 ie sui — 2272 Auchue — 2275 de paiens — 2276 pensir — 2279 e dorostie — 2280 sadont leustes par mie li haume f. — 2284 La torde freite, roupu ; pour la correction de torde en borcle, cf. le vers 1351 — 2286 paseront — 2286 A drocer ; B drecier — 2292 treche — 2293 carn mist le b. n. — 2295 celui — 2297 q̃ ielist — 2300 paores & i. — 2301 neueu su perdu