La Chasse (Gaston Phœbus)/Chapitre LXIX
La Chasse (1854)
Texte établi par Léon Bertrand, Maison Lefaucheux, 1854 
(p. 253).
(p. 253).
Chapitre soixante-neuvième.
Ci devise comment on puet prendre les lous ès fousses au train.
ussi puet on prendre lous en ceste manière : quant on sara une grant forest en quoy il hara grant foison de lous, on doit fère son train par les chemins, einsi que j’ay dit, et porter la charroigne près de l’ostel ou celui là le voudra chassier ; et là doit fère une fosse et geter la charroigne dedens et lessier un pertuis de l’une part de la fosse einsi que le grand de la teste d’un homme. Et quant le lou vendra et sentira la charroigne dedens et verra le pertuis, il hara grant paour et se tirera arrière et puis flerera le pertuis et cuydera aler tout autour. Lors cherra il en la fousse ; et le puet l’en prendre vif à une furche ferrée devant, mettre sur le col contre terre, et lier comme un chien ou tuer s’il veut.
