La Chasse (Gaston Phœbus)/Chapitre LXXV
(p. 263).
Chapitre soixante-quinzième.
Ci devise comment on puet aller ès forestz pour trère aux bestes.
t aussi en autre manière puet on trère aux bestes en querant d’avanture, un ou deux ou plusieurs hommes à pié et sans chien, parmi les forestz, et chescun ait son arc. Et les doivent querir en temps qu’il fet vent ou meisme pluye ou broines ; quar en tieu temps sont plus voulentiers sus piez. Et s’il trueve les bestes, il se doit couvrir des arbres et les aprochier tousjours au desouz du vent. Et se les bestes viandent, il puet tousjours aller avant et les approchier petit à petit. Et se elles tienent les testes levées, il ne se doit bougier. Et einsi bien sagement doit fère son fet et s’il y a arbres de ranc, il doit aler d’arbre en autre, et se non, il doit aler une fois de haut et l’autre de bas, querant les arbres et le couvert jusques tant qu’il soit près des bestes qu’il les puisse trère. Et puis s’il ha féru si siffle pour les chiens, qu’il doit avoir lessiez en certain lieu comme j’ay dit.
