La Chasse des dames d’amour, avec la reformation des filles de ce temps/La Chasse des dames d’amour
LA CHASSE DES DAMES
d’Amour, auec la reformation des
filles de ce temps.
es Dames de Paris (ie dis celles
qui ſont ſous la charge commune
du grand Viſiteur Monſieur Bidault
ſont aſſemblées depuis deux iours en
la terre de Conflanc, pour la determiner de
quelque choſe : Ie ne ſçay ſi elle eſt bonne,
ou mauuaiſe. Il eſt vray que le grand Ariſtote
en ſes commentaires ſur l’Apocalipſe a dit
en termes aſſez cogneus, que non eſt malitia
ſuper malitia mulieris, quelques vns m’ayant
voulu perſuader que c’eſtoit pour reprimer
ſa hardie ſentence de Herodote, qui diſoit
que la femme deſpoüllant ſa chemiſe, auſſi
deſpoüilloit la honte, elles ſe deſpoüillant
plus de cinquante fois le iour : & dés leurs
ieuneſſes, il ne leur ſeroit donc rien demeuré
de vergongne. Vn autre m’a dit que le ſubiet
de leur aſſemblée eſtoit de crainte de venir
groſſes, n’allant plus ad tricandum, que in
pondere, numero & menſura, & que ce qui
les empeſche que le poulet n’eſcloſt, c’eſt à
force de leur battre le deuant. La niepce de
defuncte Madame du Moulin, (d’heureuſe
memoire) ſe leua, & dit qu’il y auoit du
peril, & que ſa tante luy auoit enſeigné ceſte leçon : Vn ieune Gaudelureau me dit hier,
que le ſubiet de leur congregation a eſté
pour condamner les femmes de Lemnos, leſquelles
par vne rage & deſpit forcené enſeuelirent
les hommes, & les mirent au lieu
des morts, les ayant tous tuez ; mais qu’elles
vouloient les faire viure, & appreſteroient
des chambres baſconnieres, eſquelles il n’entre
que les &c. Alors il s’en leua vne nommée
Perruchon, qui demeure en la ruë percée,
qui dit tout hautement, qu’elle n’auoit plus
de tapiſſerie de deuant, ny tappiſſerie de derriere ;
& que c’eſtoit grand pitié, qu’elle
eſtoit deuenuë depuis que le Roy eſt parti, &
que Monſieur Bidault a faict amas de tant
d’hommes, non comme les Maſſagates, qui
ſe mangent, faute de chaſſe, mais comme la
perdrix, qui ſe nourrit de ſes plumes : & que
par ſa foy luy eſtoient paſſez par dedans le
ventre, ſans s’eſtrangler, cottes cotillons
robbes des Dimanches, & qu’elle eſtoit preſte
de prendre le baſton de la Confrairie de
Iob, & s’aſſeoir ſur ſon fumier. Vne vieille
nommée Madame de Laid Harnois, voulut
faire la Philoſopheſſe, diſant, Nous ne ſommes
icy amaſſées pour faire regiſtre de vos
plaintes : car s’il falloit regarder à la pitié, il
m’en prend bien plus au cul, & de plus vieilles,
qu’à vous : Mais diſcourons du ſubiect
qui nous meine : Ie vous dis que natura abhorret
vacuum, & que c’eſt vne maxime où
il faut mettre piece, & bien toſt. Toutes reſpondirent, Amen, Amen, Amen : & ſe deſmenant,
frappant leurs mains de ioyes, dirent :
Voilà où il nous touche, c’eſt le nœud
qu’il faut deſnoüer : ô la braue femme ! aduiſons
icy deſſus ce que nous reſoudrons. Elles
eſtoient plus de cinquante mille : de prendre
la voix de chacune, il n’y auoit moyen :
mais les laides putains, id eſt, Les deputées
dirent d’vne voix, qu’il falloit eſcrire au
grand intendant des harnois, nommé Monſieur
Bidault, que s’il ne faiſoit ces viſites ordinaires,
les Chirurgiens, palfreniers d’eſcurie
à poulains, perdroient beaucoup, & les
autres leur droict, ſans conter ceux qui auront
le tort : Les voilà toutes emmenées &
faction pour ceſte lettre, apres la concluſion
priſe du deſſein qu’elles auoient : mais il y
eut bien de la diſpute qui ſeroit l’eſcriuaine
de la lettre d’vne telle conſequence : Dame
Charlotte s’y preſenta, diſant qu’elle auoit
bonne main, & bien aſſeurée : car elle auoit
eſté menée d’vn qui enſeignoit l’eſcriture, &
qui meſme auoit ſi long-temps praticqué auec
luy, qu’apres auoir mangé les reuenus du
ſcribe, pluſieurs fois luy auoit paſſé la plume
au corps. Helene de beau trou, qui demeure
à l’enſeigne de tout vents, ſe preſenta, &
dit qu’elle auoit auſſi bon maniement de
corps que de main, & qu’elle auoit manié des
plumes, & groſſes & menues, autant que pas
vne, ſans leur faire tort. Voicy arriuer Dame
Peruchon, qui demeure à l’enſeigne de l’enuieux, laquelle proteſta que ce n’eſtoit
le tout d’auoir bonne main, bon branlement
de corps, ny d’auoir manié ſouuent la plume :
que les plus viſitées en ceſte art ne ſont
pas les plus ſeures : mais qu’il falloit faire eſlection
de quelqu’vne de la trouppe qui euſt
du papier bien licé, vny & blanc : & que pour
elle, elle tendroit touſiours le parchemin, eſcriuiſt
qui voudroit, ſur telle diſpute. Damoiſelle
Iacquette parut, diſant qu’il luy
conuenoit ex nomine d’eſtre la ſcribe, d’autant
que le ſubiet de leur aſſemblée eſtoit pour
acquerir, & ne perdre plus : L’aſſemblée conclud
pour elle à l’inſtant, & tirant ſon grand,
priſt la plume, traçant les doléances du Con
non tenu.
viſiteur d’Habita-vit, nommé
Monſieur Bidault.
MONSIEVR & grand Viſiteur, Toutes les Dames de la grande & ample Confrairie du grand Habita-vit, vous coniurent par le pain qu’elles mangent, faute de chair que la preſente receue, vous preniez la poſte, car le trot & amble dominent icy, afin de mettre ordre à leur renuitaillement, eſtant ſi fort affamées, qu’il n’eſt beſoin de chercher pour ſecourir leurs neceſſitez, perdrix, chappons, ny autres viandes
delicates ; mais andoüilles, trippes,boudins, ceruelats, pour emplir les concauitez, puis que nature noſtre bonne mere les reiette & abhore, nous coniurons tous les bons piquiers con-battans venir auec vous : pour les Arquebuſiers, Halbardiers, niantes. Depechez de venir, ou il baſte mal pour nous : que ſi vous manquez dans vn mois, nous deliberons d’aller toutes aux filles repenties. Eſcrit à Paris, au lieu ſuſnommez, par