Lais de Marie de France/Prolog

La bibliothèque libre.
Sauter à la navigation Sauter à la recherche

Lais de Marie de France, Texte établi par Karl Warnke, Max Niemeyer (Bibliotheca Normannica) (p. 3-4).
Guigemar  ►

Prolog.


Qui Deus a duné esciënce
e de parler bone eloquence,
ne s’en deit taisir ne celer,
ainz se deit voluntiers mustrer.
5 Quant un granz biens est mult oïz,
dunc a primes est il fluriz,
e quant loëz est de plusurs,
dunc a espandues ses flurs.
Custume fu as anciëns,
10 ceo testimonie Preciëns,
es livres que jadis faiseient
assez oscurement diseient
pur cels ki a venir esteient
e ki apendre les deveient,
15 que peüssent gloser la letre
e de lur sen le surplus metre.
Li philesophe le saveient,
e par els meïsme entendeient,
cum plus trespassereit de tens,
20 plus serreient sutil de sens
e plus se savreient guarder
de ceo qu’i ert a trespasser.
Ki de vice se vuelt defendre,
estudiër deit e entendre
25 e grevose oevre comencier ;

par ceo s’en puet plus esloignier
e de grant dolur delivrer.
Pur ceo començai a penser
d’alkune bone estoire faire
30 e de Latin en Romanz traire ;
mais ne me fust guaires de pris :
itant s’en sunt altre entremis.
Des lais pensai qu’oïz aveie.
Ne dutai pas, bien le saveie,
35 que pur remembrance les firent
des aventures qu’il oïrent
cil ki primes les comencierent
e ki avant les enveierent.
Plusurs en ai oïz conter,
40 nes vueil laissier ne obliër.
Rimé en ai e fait ditié,
soventes feiz en ai veillié.

En l’onur de vus, nobles reis,
ki tant estes pruz e curteis,
45 a qui tute joie s’encline,
e en qui quer tuz biens racine,
m’entremis des lais assembler
par rime faire e reconter.
En mun quer pensoe e diseie,
50 sire, ques vos presentereie.
Se vos les plaist a receveir,
mult me ferez grant joie aveir ;
a tuz jurs mais en serrai liee.
Ne me tenez a surquidiee,
55 se vos os faire icest present.
Ore oëz le comencement !


Sinnvarianten. 1 H en science — 19 H trespasserunt le — 20 H e plus (+1)
Lautvarianten. 1 Ki ; ad — 2 bon — 4 uolonters — 8 ad — 10 tesmoine — 11 liueres ke ; feseient — 13 ceus — 15 ki puessent ; lettre — 16 mettre — 18 eus memes — 21 sauereient garder — 22 ki — 23 uolt — 25 greuos ouere
26 ceo s’en] H se — 28 H comencerai — 32 li se — 40 li ne — 50 H ke

27 deliuerer — 29 de aukune — 30 Romaunz — 32 altres — 33

koi — 35 ke ; remambrance — 30 kil — 39 oi — 40 uoil laisser — 41 Rimez — 42 fiez — 43 le honur — 45 ki ; se encline — 46 ki quoer — 49 quoer — 51 Si — 53 jurz ; lie — 54 surquidie — 55 si