Le Livre des ballades/De jour en jour vo beauté renouvelle
Gente de corps, face adroit coulourée
Humble regart, front hault & bien aſſis,
Entrueil plaiſant, bouche bien ordonnée,
Petit menton, leſres & nez traitis,
Vos joettes ſont deux foſſes toudis
En ſoubzriant, ô belle plus que belle !
Vous regarder eſt un droit paradis :
De jour en jour vo beauté renouvelle.
Car voſtre chief a toute gent agrée,
Blont com fin or, vairs œulx, & les ſourcils
Avez petit ; la denteure ſerrée,
Mannette blanche come fleur de lis.
Et au ſeurplus eſt vos corps aſſenis
De tous les biens qui ſont en flour nouvelle,
De plus en plus, dame, ce m’eſt advis :
De jour en jour vo beauté renouvelle,
Or eſtes-vous donc de bonne heure née
Quant grâce avez, la lonenge & le pris
D’umilité, de nobles meurs parée,
De beau maintien, de manière & de vis ;
Mais ſur toutes portez bien vos habis,
Plus que nulle dame ne damoiselle
Qui ſoit vivant en terre n’en pays ;
De jour en jour vo beauté renouvelle.