Le Livre des ballades/M’ont plusiours fois en pensant resjoï
Je puis moult bien ma dame comparer
A la fille dou noble roy Priant ;
Pluſiors en ot, mais ceſte voeil nommer :
Polixena la belle & la riant,
En qui de tous biens ot tant
Que de bonté & de bauté u plainne.
Tout eni et ma dame ouverainne.
Car les grans biewx que fe perçoi en li
M’ont pluiſours fois en penſant reſjoï.
Jonete eſtoit Polixena, c’eſt cler,
Quant Acillès l’ama en regardant ;
Enſi amours m’ont pris par regarder
De ma dame ſon gracieux ſemblant,
Simple, jone & attraint.
Or ſçai aſſés que j’en aurai grant painne,
Mès j’ai eſpoir qu’elle en ſera certainne
En aucun temps, & cil ſouvenir ci
M’ont pluiſourt fois en penſant reſjoï.
Chiere dame, voeilliés conſiderer
Que voſtre ſui & ſerai mon vivant.
Or ai volu voſtre corps figurer
A la fille dou noble roy Priant ;
C’eſt tout en vous honnourant,
Mès d la fin que me ſoyés humainne,
Polixena voſtre nom me ramainne
Dedans le voſtre en .V. lettres & qui
M’ont pluiſours fois en penſant reſjoï.