Le Livre des sonnets/Afin que ton honneur coule parmy la plaine
Sonnet pour Hélène
Afin que ton honneur coule parmy la plaine.
Autant qu’il monte au Ciel engravé dans vn Pin,
Invoquant tous les Dieux & reſpandant du vin
Ie confacre à ton nom ceſte belle Fontaine.
Paſteurs, que vos troupeaux friſez de blanche laine
Ne paiſſent à ces bords : y fleuriſſe le Thin,
Et tant de belles fleurs qui s’ouurent au matin,
Et ſoit dite à iamais la Fontaine d’Helene.
Le paſſant en Eſté s’y puiſſe repoſer,
Et aſſis deſſus l’herbe à l’ombre compoſer
Mille chanſons d’Helene, & de moy luy ſouuienne.
Quiconques en boira, qu’amoureux il deuienne,
Et puiſſe, en la humant, vne flame puiſer
Auſſi chaude qu’au cœur ie ſens chaude la mienne.
Pierre de Ronſard.