Le Livre des sonnets/Des plus beaux yeux, & du plus cleir visage
Sonnet de Pétrarque
Sur la mort de ſa Dame Laure
Des plus beaux yeux, & du plus cleir viſage.
Qui onques fut, & des beaux cheveux longs,
Qui faiſoient l’or & le Soleil moins blons,
Du plus doux ris, & du plus doux langage,
Des bras & mains, qui euſſent en ſervage,
Sans ſe bouger, mené les plus felons,
De celle qui du chef iuſqu’aux talons
Sembloit divin plus qu’humain perſonnage,
Ie prenois vie. Or d’elle ſe conſolent
Le Roy celefte & ſes courriers qui volent,
Me laiſſant nud, aveugle en ce bas eſtre,
Vn ſeul confort attendant à mon dueil,
C’eſt que là haut, elle, qui ſçait mon vueil,
M’impetrera qu’avec elle puiſſe eſtre.
Clément Marot.