Le Livre des sonnets/Marie, leuez-vous, ma ieune paresseuse
Sonnet pour Marie
Marie, leuez-vous, ma ieune pareſſeuſe,.
Ia la gaye Alouette au ciel a fredonné,
Et ia le Roſſignol doucement iargonné,
Deſſus l’efpine aſſis, ſa complainte amoureuſe.
Sus, debout, allon voir l’herbelette perleuſe,
Et voſtre beau roſier de boutons couronné,
Et vos œillets mignons auſquels auiez donné
Hier au ſoir de l’eau d’une main ſi ſongneuſe.
Harſoir en vous couchant vous iuraſtes vos yeux
D’eſtre plus-toſt que moy ce matin eſueillée :
Mais le dormir de l’Aube aux filles gracieux
Vous tient d’un doux ſommeil encor les yeux ſillée.
Ça ça, que ie les baiſe & voflre beau tetin
Cent fois, pour vous apprendre à vous leuer matin.
Pierre de Ronſard.