Le Livre des sonnets/Si nostre vie est moins qu’vne iournée
Sonnet
Si noftre vie eſt moins qu’vne tournée
En l’eternel, ſi l’an qui fait le tour
Chaſſe nz iours ſans eſpoir de retour,
Si periſſable eſt toute choſe nee,
Que ſonges-tu, mon ame empriſonnee ?
Pourquoy te plait l’obſcur de noſtre iour,
Si pour voler en vn plus cler ſeiour
Tu as au dos l’aile bien empennée ?
Là eſt le bien que tout eſprit deſire,
Là le repos où tout le monde aſpire,
Là eſt l’amour, là le plaiſir encore.
Là, ô mon ame au plus hault ciel guidee,
Tu y pourras recognoiſtre l’Idee
De la beauté qu’en ce monde i’adore.
Joachim du Bellay.