Le Mespris de la vie et consolation contre la mort/« Ceus que l’on tient au camp les moins avantureus »
Le Mespris de la vie et consolation contre la mort
CCII.
Ceus que l'on tient au camp les moins avanteureus
Pallissans de terreur au cliquetis des armes
Souventefois bouillans au milieu des allarmes,
Sont estimez de tous les plus chevaleureus:
Mais ceus qui desguisans leurs courages peureus
D'un parler arrogant, presomptueus gendarmes
Tranchent du Rodomont, aus plus chaudes vacarmes
De tous leurs compagnons sont les moins valeureus
Tel pallist au seul nom de la mort redoutable
Qui la souffre sans peur, & tel feint au semblable
De ne la craindre point, qui l'aborre & la fuit
Que nul doncque par trop s'orgueillisse ou s'abaisse
Courageus ou couart de sa force ou foiblesse
JESUS ou il luy play edifie & destruit.